ಲಂಡನ್: ಬ್ರಿಟನ್ ರಾಜಮನೆತನಕ್ಕೆ ನೂತನ ಅತಿಥಿಯ ಆಗಮನವಾಗಿದೆ. 

ರಾಯಲ್ ವೆಡ್ಡಿಂಗ್ ನಿಂದ ಸುದ್ದಿಯಾಗಿದ್ದ ಬ್ರಿಟನ್ ರಾಜಕುವರ ಪ್ರಿನ್ಸ್ ಹ್ಯಾರಿ ಹಾಗೂ ಮೇಘನ್ ಅರ್ಕೆಲ್ ದಂಪತಿಗೆ ಗಂಡುಮಗು ಜನಿಸಿದೆ.

ಮಗುವಿನ ತಂದೆಯಾದ ಸಂಭ್ರಮದಲ್ಲಿ ಹ್ಯಾರಿ "ನಾನು ಥ್ರಿಲ್ ಆಗಿದ್ದೇನೆ, ನಮಗೆ ಶುಭಕೋರಿದ, ಬೆಂಬಲಿಸಿದ ಎಲ್ಲರಿಗೆ ಧನ್ಯವಾದ" ಎಂದಿದ್ದಾರೆ

ಸೋಮವಾರ 05.26 (ಬ್ರಿಟನ್ ಕಾಲಮಾನ) ಮೇಘನ್ ಗಂಡು ಶಿಶುವಿಗೆ ಜನ್ಮ ನೀಡಿದ್ದಾರೆ.

2018ರ ಮೇ ನಲ್ಲಿ ಮೇಘನ್ ಹಾಗೂ ಪ್ರಿನ್ಸ್ ಹ್ಯಾರಿ ಥೇಮ್ಸ್‌ ನದಿ ತಟದಲ್ಲಿರುವ ವಿಂಡ್ಸರ್‌ ಕ್ಯಾಸೆಲ್‌ನಲ್ಲಿ ವಿವಾಹವಾಗಿದ್ದರು.ದೇಶ ವಿದೇಶದ ನೂರಾರು ಗಣ್ಯರ ಸಮ್ಮುಖದಲ್ಲಿ ನಡೆದಿದ್ದ ಈ ವಿವಾಹ  ಜಾಗತಿಕ ಸುದ್ದಿಯಾಗಿತ್ತು.