ಕೊರೋನಾ ವೈರಸ್ ಮಹಾಮಾರಿ ಪ್ರಪಂಚದಾದ್ಯಂತ ಹರಡುತ್ತಿದ್ದು, ಭಯೋತ್ಪಾದಕ ಕೃತ್ಯಗಳನ್ನೆಸಗುತ್ತಿದ್ದ ಉಗ್ರರೂ ಸಹ ಈಗ ಕೊರೋನಾ ವೈರಸ್ ಗೆ ಭಯಪಡುತ್ತಿದ್ದಾರೆ.
ಕೋವಿಡ್-19 ಬಗ್ಗೆ ಉಗ್ರ ಸಂಘಟನೆಗಳೂ ಎಚ್ಚರಿಕೆ ವಹಿಸುತ್ತಿದ್ದು, ತನ್ನ ಉಗ್ರರಿಗೆ ಇಸ್ಲಾಮಿಕ್ ಸ್ಟೇಟ್ ಭಯೋತ್ಪಾನೆ ಟ್ರಾವಲ್ ಅಡ್ವೈಸರಿ ಕಳಿಸಿಕೊಟ್ಟಿದೆ.
ಟ್ರಾವಲ್ ಅಡ್ವೈಸರಿ ಪ್ರಕಾರ ಭಯೋತ್ಪಾದಕರಿಗೆ ಕೊರೋನಾ ವೈರಸ್ ನಿಂದ ರಕ್ಷಣೆ ಪಡೆಯಲು ಒಂದಷ್ಟು ಸಲಹೆಗಳನ್ನು ನೀಡಲಾಗಿದೆ. ಅವುಗಳಲ್ಲಿ ಯುರೋಪ್ ಗೆ ಪ್ರಯಾಣಿಸುವುದು ಬೇಡ ಎಂಬುದು ಪ್ರಮುಖವಾಗಿದೆ.
ಅದರ ಜೊತೆಗೆ ನೈರ್ಮಲ್ಯ, ಜನ ಸಂಪರ್ಕದಿಂದ ಸಾಧ್ಯವಾದಷ್ಟೂ ದೂರ ಉಳಿಯುವುದು ಸೇರಿದಂತೆ ಸಾಮಾನ್ಯವಾಗಿ ಎಲ್ಲರೂ ಕೊರೋನಾ ವೈರಸ್ ಹರಡದಂತೆ ಎಚ್ಚರ ವಹಿಸಲು ಅನುಸರಿಸುತ್ತಿರುವ ಕ್ರಮಗಳನ್ನು ಕೈಗೊಳ್ಳಲು ಇಸೀಸ್ ಹೇಳಿದೆ.