ಗಾಜಾ: ಗಾಜಾದಲ್ಲಿ ಕನಿಷ್ಠ 12 ಪ್ಯಾಲೆಸ್ಟೀನಿಯಾದವರನ್ನು ಕೊಲ್ಲುವ ಮೂಲಕ ಇಸ್ರೇಲ್ 2025 ರನ್ನು ಆರಂಭಿಸಿದೆ. ಈ ಪೈಕಿ ಹೆಚ್ಚಾಗಿ ಮಹಿಳೆಯರು ಮತ್ತು ಮಕ್ಕಳು ಸಾವನ್ನಪ್ಪಿದ್ದಾರೆ ಎಂದು ಗಾಜಾ ಆರೋಗ್ಯ ಸಚಿವಾಲಯ ಬುಧವಾರ ತಿಳಿಸಿದೆ.
ಅಕ್ಟೋಬರ್ ಆರಂಭದಿಂದಲೂ ಇಸ್ರೇಲ್ ತನ್ನ ಕ್ರೂರ ದಾಳಿಯನ್ನು ನಡೆಸಿದ ಭೂಪ್ರದೇಶದ ಉತ್ತರ ಗಾಜಾದ ಜಬಾಲಿಯಾ ಪ್ರದೇಶದಲ್ಲಿ ಇಸ್ರೇಲ್ ದಾಳಿಗೆ ಮನೆಯೊಂದು ಧ್ವಂಸಗೊಂಡಿದೆ. ಮಹಿಳೆ ಮತ್ತು ನಾಲ್ಕು ಮಕ್ಕಳು ಸೇರಿದಂತೆ ಏಳು ಜನರು ಸಾವನ್ನಪ್ಪಿದ್ದಾರೆ ಮತ್ತು ಕನಿಷ್ಠ ಒಂದು ಡಜನ್ ಜನರು ಗಾಯಗೊಂಡಿದ್ದಾರೆ ಎಂದು ಗಾಜಾದ ಆರೋಗ್ಯ ಸಚಿವಾಲಯ ತಿಳಿಸಿದೆ.
ಮಧ್ಯ ಗಾಜಾದ ಬುರೇಜ್ ನಿರಾಶ್ರಿತರ ಶಿಬಿರದಲ್ಲಿ ರಾತ್ರಿಯಿಡೀ ನಡೆದ ಮತ್ತೊಂದು ದಾಳಿಗೆ ಮಹಿಳೆ ಮತ್ತು ಮಗು ಬಲಿಯಾಗಿದ್ದಾರೆ ಎಂದು ಮೃತದೇಹಗಳನ್ನು ಸ್ವೀಕರಿಸಿದ ಅಲ್-ಅಕ್ಸಾ ಹುತಾತ್ಮರ ಆಸ್ಪತ್ರೆ ತಿಳಿಸಿದೆ.
"ನೀವು ಸಂಭ್ರಮಿಸುತ್ತಿದ್ದೀರಾ? ನಾವು ಸಾಯುತ್ತಿರುವಾಗ ನೀವು ಆನಂದಿಸುತ್ತಿದ್ದೀರಾ. ಒಂದೂವರೆ ವರ್ಷದಿಂದ ನಾವು ಸಾಯುತ್ತಿದ್ದೇವೆ" ಎಂದು ತುರ್ತು ವಾಹನಗಳಲ್ಲಿ ಮಗುವಿನ ದೇಹವನ್ನು ಹೊತ್ತ ವ್ಯಕ್ತಿಯೊಬ್ಬರು ಹೇಳಿದರು.
ನಾಸರ್ ಆಸ್ಪತ್ರೆ ಮತ್ತು ಶವಗಳನ್ನು ಸ್ವೀಕರಿಸಿದ ಯುರೋಪಿಯನ್ ಆಸ್ಪತ್ರೆಯ ಪ್ರಕಾರ, ದಕ್ಷಿಣದ ನಗರವಾದ ಖಾನ್ ಯೂನಿಸ್‌ನಲ್ಲಿ ಮೂರನೇ ದಾಳಿಯಲ್ಲಿ ಮೂರು ಜನರು ಸಾವನ್ನಪ್ಪಿದ್ದಾರೆ.
ಗಾಜಾದ ಮೇಲೆ ಇಸ್ರೇಲ್ ನಡೆಸಿದ ನರಮೇಧ ಇದುವರೆಗೆ 45,000 ಪ್ಯಾಲೆಸ್ಟೀನಿಯನ್ನರನ್ನು ಕೊಂದಿದೆ ಎಂದು ಗಾಜಾದ ಆರೋಗ್ಯ ಸಚಿವಾಲಯ ತಿಳಿಸಿದೆ. ಸತ್ತವರಲ್ಲಿ ಅರ್ಧಕ್ಕಿಂತ ಹೆಚ್ಚು ಮಹಿಳೆಯರು ಮತ್ತು ಮಕ್ಕಳಿದ್ದಾರೆ. ಇಸ್ರೇಲ್ 190 ಕ್ಕೂ ಹೆಚ್ಚು ಪತ್ರಕರ್ತರನ್ನು ಮತ್ತು ಕನಿಷ್ಠ 1000 ಆರೋಗ್ಯ ಕಾರ್ಯಕರ್ತರನ್ನು ಗಾಜಾದಲ್ಲಿ ಕೊಂದಿದೆ.
ಪ್ಯಾಲೇಸ್ಟಿನಿಯನ್ ಮೀಡಿಯಾ ಸೆಂಟರ್ ಪ್ರಕಾರ, ಗಾಜಾದ ಮೇಲೆ ತನ್ನ ನರಮೇಧದ ಯುದ್ಧದ ಆರಂಭದಿಂದಲೂ 800 ಕ್ಕೂ ಹೆಚ್ಚು ಶಿಶುಗಳನ್ನು ಇಸ್ರೇಲ್ ತಮ್ಮ ಮೊದಲ ವರ್ಷವನ್ನು ಪೂರ್ಣಗೊಳಿಸುವ ಮೊದಲು ಕೊಂದಿದೆ.