ಲಾಸ್ ಏಂಜಲೀಸ್‌ನಲ್ಲಿ ನೀಲಿ ಚಿತ್ರೋದ್ಯಮದಲ್ಲಿ ಸಂಚಲನ ಮೂಡಿಸಿದ ನಟಿ 'ಕೈಲೀ ಪೇಜ್' (kylie page) ಅವರ ಸಾವಿನ ದುಃಖದ ಸುದ್ದಿ ಬೆಳಕಿಗೆ ಬಂದಿದೆ. 28 ವರ್ಷದ ನಟಿ ಲಾಸ್ ಏಂಜಲೀಸ್‌ನ ತಮ್ಮ ಮನೆಯಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ. ಲಾಸ್ ಏಂಜಲೀಸ್ ಕೌಂಟಿ ವೈದ್ಯಕೀಯ ಪರೀಕ್ಷಕರ ಪ್ರಕಾರ, ಅವರ ಸಾವಿಗೆ ಕಾರಣ ಇನ್ನೂ ಸ್ಪಷ್ಟವಾಗಿಲ್ಲ. ಸದ್ಯ ತನಿಖೆ ನಡೆಯುತ್ತಿದೆ. ನೆಟ್‌ಫ್ಲಿಕ್ಸ್‌ನ ಸಾಕ್ಷ್ಯಚಿತ್ರ ಸರಣಿ 'ಹಾಟ್ ಗರ್ಲ್ಸ್ ವಾಂಟೆಡ್: ಟರ್ನ್ಡ್ ಆನ್' ನಲ್ಲಿ ಕಾಣಿಸಿಕೊಂಡ ಕೈಲೀ ವಿಶೇಷ ಗುರುತನ್ನು ಗಳಿಸಿದ್ದರು.
ಕೈಲೀ ಪೇಜ್ ನಿಜ ಹೆಸರು ಕೈಲೀ ಪೈಲಾಂಟ್. ಒಕ್ಲಹೋಮಾದ ತುಲ್ಸಾದಲ್ಲಿ ಜನಿಸಿದರು. 2016ರಲ್ಲಿ ಆಕೆ Porn ಚಲನಚಿತ್ರೋದ್ಯಮಕ್ಕೆ ಪ್ರವೇಶಿಸಿದರು. ಶೀಘ್ರದಲ್ಲೇ 'ವಿಕ್ಸೆನ್ ಮೀಡಿಯಾ ಗ್ರೂಪ್', 'ಬ್ರೇಜರ್ಸ್' ಮತ್ತು 'ನಾಟಿ ಅಮೇರಿಕಾ' ನಂತಹ ದೊಡ್ಡ ನಿರ್ಮಾಣ ಸಂಸ್ಥೆಗಳೊಂದಿಗೆ 200ಕ್ಕೂ ಹೆಚ್ಚು ಚಲನಚಿತ್ರಗಳಲ್ಲಿ ಕೆಲಸ ಮಾಡಿದರು.
ಕೈಲೀ ನಗು ಮತ್ತು ಸಕಾರಾತ್ಮಕ ವ್ಯಕ್ತಿತ್ವವು ಅವರಿಗೆ ಉದ್ಯಮದಲ್ಲಿ ವಿಶೇಷ ಸ್ಥಾನವನ್ನು ನೀಡಿತು. ಬ್ರೇಜರ್ಸ್ ತನ್ನ ಅಧಿಕೃತ ಎಕ್ಸ್ ಹ್ಯಾಂಡಲ್‌ನಲ್ಲಿ ಸಂತಾಪ ಸೂಚಿಸುತ್ತಾ, 'ಕೈಲಿಯವರ ನಗು, ದಯೆ ಮತ್ತು ಸಕಾರಾತ್ಮಕ ಶಕ್ತಿ ಯಾವಾಗಲೂ ನೆನಪಿನಲ್ಲಿ ಉಳಿಯುತ್ತದೆ' ಎಂದು ಬರೆದಿದೆ. ಅವರ ಸಹನಟಿ ಲಿಯಾ ಗೊಟ್ಟಿ ಕೂಡ ಅವರನ್ನು 'ಸಂತೋಷ ಮತ್ತು ಉತ್ಸಾಹಭರಿತ' ವ್ಯಕ್ತಿ ಎಂದು ಬಣ್ಣಿಸಿದ್ದಾರೆ.
ಅಭಿಮಾನಿಗಳಿಗೆ ಆಘಾತ
ಕೈಲಿಯವರ ಹಠಾತ್ ಸಾವು ಆಕೆಯ ಅಭಿಮಾನಿಗಳು ಮತ್ತು ಸ್ನೇಹಿತರು ಮತ್ತು ಕುಟುಂಬವನ್ನು ತೀವ್ರವಾಗಿ ಆಘಾತಗೊಳಿಸಿದೆ. ಜನರು ಸಾಮಾಜಿಕ ಮಾಧ್ಯಮದಲ್ಲಿ ಅವರಿಗೆ ಗೌರವ ಸಲ್ಲಿಸುತ್ತಿದ್ದಾರೆ.