ಅಮೆರಿಕ ವಿರುದ್ಧದ ಯುದ್ಧದ ನಡುವೆ ಇರಾನ್ ಮಾಸ್ಟರ್ ಪ್ಲಾನ್ ಮಾಡಿದ್ದು ಯುದ್ಧದಲ್ಲಿ ನಾಗರಿಕರನ್ನು ಬಳಸಿಕೊಳ್ಳಲು ಮಂದಾಗಿದೆ. ಅಮೆರಿಕದ ಸೈನಿಕರನ್ನು ಕೊಂದು ಅಥವಾ ಸೆರೆಹಿಡಿದು ತಂದವರಿಗೆ 30,000 ಡಾಲರ್ ಬಹುಮಾನ ಘೋಷಿಸಿದೆ. ಒಂದು ವೇಳೆ ಇರಾನ್ ಮಹಿಳೆಯರು ಈ ಕೃತ್ಯವನ್ನು ಮಾಡಿದರೇ ಅವರಿಗೆ 60 ಸಾವಿರ ಡಾಲರ್ ಬಹುಮಾನ ನೀಡುವುದಾಗಿ ಹೇಳಿದೆ.

ಇರಾನಿನ ಸೇನಾ ಕಮಾಂಡರ್-ಇನ್-ಚೀಫ್ ಅಮೀರ್ ಹತಾಮಿ ಟೆಹ್ರಾನ್‌ನಲ್ಲಿ ಮಾಡಿದ ಭಾಷಣದಲ್ಲಿ ಈ ಘೋಷಣೆ ಮಾಡಿದ್ದಾರೆ. ಈ ಬಹುಮಾನವು ಸರಿಸುಮಾರು 5 ಬಿಲಿಯನ್ ಟೋಮನ್‌ಗಳಿಗೆ ಸಮಾನವಾಗಿರುತ್ತದೆ. ಶಾಂತಿ ಮಾತುಕತೆಗಳಲ್ಲಿ ಯಾವುದೇ ಪ್ರಗತಿ ಇಲ್ಲದ ಸಮಯದಲ್ಲಿ ಹತಾಮಿ ಈ ಘೋಷಣೆ ಮಾಡಿದ್ದಾರೆ. ಇದಲ್ಲದೆ, ಕಾರ್ಯತಂತ್ರದ ಪ್ರಮುಖವಾದ ಹಾರ್ಮುಜ್ ಜಲಸಂಧಿಯ ಮೂಲಕ ತೈಲ ಟ್ಯಾಂಕರ್‌ಗಳ ಚಲನೆಯನ್ನು ಸಹ ನಿಲ್ಲಿಸಲಾಗಿದೆ.

ಇರಾನ್ ಯುದ್ಧ ಮತ್ತು ಮಧ್ಯಪ್ರಾಚ್ಯದಲ್ಲಿ ಗಾಜಾ ಸಂಘರ್ಷದ ಮಧ್ಯೆ ಭಾನುವಾರ ಹಲವಾರು ಪ್ರಮುಖ ಬೆಳವಣಿಗೆಗಳು ನಡೆದವು. ಯುಎಸ್ ಸೆಂಟ್ರಲ್ ಕಮಾಂಡ್ ಮುಖ್ಯಸ್ಥ ಅಡ್ಮಿರಲ್ ಬ್ರಾಡ್ ಕೂಪರ್ ಅವರು ತಮ್ಮ 10 ದಿನಗಳ ಪ್ರಾದೇಶಿಕ ಪ್ರವಾಸದ ಸಮಯದಲ್ಲಿ ಅರೇಬಿಯನ್ ಸಮುದ್ರದಲ್ಲಿ ನಿಯೋಜಿಸಲಾದ ಯುಎಸ್ಎಸ್ ಲಿಂಕನ್ ಗೆ ಭೇಟಿ ನೀಡಿದರು.

ಯುಎಸ್ಎಸ್ ಲಿಂಕನ್ ಜನವರಿಯಲ್ಲಿ ಮಧ್ಯಪ್ರಾಚ್ಯಕ್ಕೆ ಆಗಮಿಸಿತು. ಇರಾನ್ ವಿರುದ್ಧದ ಯುಎಸ್ ಯುದ್ಧದಲ್ಲಿ ನಿಯೋಜಿಸಲ್ಪಟ್ಟಿದೆ. ಈ ಅವಧಿಯಲ್ಲಿ, ಇದು ಇರಾನಿನ ಬಂದರುಗಳ ದಿಗ್ಬಂಧನದಲ್ಲಿಯೂ ಪಾತ್ರವಹಿಸಿದೆ. ವಿಮಾನವಾಹಕ ನೌಕೆಯು ನಿರಂತರವಾಗಿ 240 ದಿನಗಳಿಗೂ ಹೆಚ್ಚು ಕಾಲ ಸಮುದ್ರದಲ್ಲಿ ಇರುವ ದಾಖಲೆಯನ್ನು ಸ್ಥಾಪಿಸಿದೆ. ಹಡಗಿನಲ್ಲಿ ಮಾನಸಿಕ ಆರೋಗ್ಯ ಮತ್ತು ಪೂರೈಕೆ ಸಮಸ್ಯೆಗಳ ವರದಿಗಳೂ ಬಂದಿವೆ. ಯುಎಸ್ಎಸ್ ಲಿಂಕನ್ 5,000 ಕ್ಕೂ ಹೆಚ್ಚು ನಾವಿಕರು ಮತ್ತು ನೌಕಾಪಡೆಗಳಿಗೆ ಅವಕಾಶ ಕಲ್ಪಿಸಬಲ್ಲದು.

ತಾಳಿಕೋಟಿ ಕದನದ ವೇಳೆ ವಿಜಯನಗರದ ಅರಸ ಅಳಿಯ ರಾಮರಾಯ ಕಟ್ಟಕಡೆಯ ಯುದ್ಧದ ವಿವರಣೆಯಲ್ಲೂ ಕೂಡ ಈ ತಲೆಗೆ ಬಹುಮಾನ ಕೊಡೋದಕ್ಕೆ ರಾಮರಾಯ ಚಿನ್ನದ ನಾಣ್ಯಗಳನ್ನಿಟ್ಟುಕೊಂಡು ಯುದ್ಧ ಭೂಮಿಯ ಸಮೀಪ ಎತ್ತರದ ಪ್ರದೇಶದಲ್ಲಿ ಕುಳಿತಿದ್ದ ಅನ್ನೋ ವಿವರಣೆ ಸಿಗುತ್ತದೆ. ಈಗ ಇರಾನ್ ಕೂಡ ಅದೇ ರೀತಿಯ ತಂತ್ರವನ್ನು ಇರಾನ್ ಬಳಸುತ್ತಿದೆ ಎನ್ನಲಾಗಿದೆ.