ವಾಷಿಂಗ್ಟನ್: ಮೂರು ಮಾಧ್ಯಮಗಳಿಗೆ ಶ್ವೇತ ಭವನಕ್ಕೆ ಪ್ರವೇಶವನ್ನು ನಿರಾಕರಿಸಿದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಿರುದ್ಧ ಇದೀಗ ಅಮೆರಿಕದ ಬಹುತೇಕ ಮಾಧ್ಯಮಗಳು ತಿರುಗಿಬಿದ್ದಿವೆ.
CNN, MS NOW ಮತ್ತು Politio ಮಾಧ್ಯಮ ಸಂಸ್ಥೆಗಳಿಗೆ ಪ್ರವೇಶ ನಿರಾಕರಿಸಿದ ಡೊನಾಲ್ಡ್ ಟ್ರಂಪ್ ಆಡಳಿತದ ಕ್ರಮವನ್ನು ಖಂಡಿಸಿ ಶ್ವೇತ ಭವನದ ಟಿವಿ ಚಾನೆಲ್ ಗಳ ಸದಸ್ಯರು ಸೇರಿದಂತೆ ಬಹುತೇಕ ಸುದ್ದಿಸಂಸ್ಥೆಗಳು ಹೇಳಿಕೆ ಬಿಡುಗಡೆ ಮಾಡುವ ಮೂಲಕ ಒಗ್ಗಟ್ಟು ಪ್ರದರ್ಶಿಸಿವೆ.
ವಿಮರ್ಶಾತ್ಮಕ ವರದಿಯ ಮೇಲೆ ಮಾಧ್ಯಮಗಳಿಗೆ ಪ್ರವೇಶ ನಿರ್ಬಂಧಿಸುವ ಹಕ್ಕು ಯಾವುದೇ ಸರ್ಕಾರಕ್ಕೆ ಇಲ್ಲ ಎಂದು ಎಚ್ಚರಿಸಿವೆ. ಸುಳ್ಳು ಸುದ್ದಿಯನ್ನು ಪ್ರಸಾರ ಮಾಡಿದ್ದಕ್ಕೆ ಶಿಕ್ಷೆಯಾಗಿ ಈ ಮಾಧ್ಯಮ ಸಂಸ್ಥೆಗಳನ್ನು ಅಧ್ಯಕ್ಷೀಯ ಭವನದಿಂದ ನಿಷೇಧಿಸುತ್ತಿರುವುದಾಗಿ ಡೊನಾಲ್ಡ್ ಟ್ರಂಪ್ ಶುಕ್ರವಾರ ಹೇಳಿದ್ದರು.
ಡೊನಾಲ್ಡ್ ಟ್ರಂಪ್ ಆಡಳಿತದ ವಿರುದ್ಧ ಮೊಕದ್ದಮೆ ಹೂಡುವುದಾಗಿ CNN ಹೇಳಿದ್ದರೆ, ABC ನ್ಯೂಸ್, CBS ನ್ಯೂಸ್, ಫಾಕ್ಸ್ ನ್ಯೂಸ್ ಮೀಡಿಯಾ ಮತ್ತು NBC ನ್ಯೂಸ್ ಸೇರಿದಂತೆ ಅನೇಕ ಮಾಧ್ಯಮ ಸಂಸ್ಥೆಗಳು ಶ್ವೇತ ಭವನಕ್ಕೆ ಮಾಧ್ಯಮಗಳ ಪ್ರವೇಶವನ್ನು ಸಮರ್ಥಿಸಿಕೊಂಡಿದ್ದು, ಸುದ್ದಿ ಸಂಸ್ಥೆಗಳ ಮೇಲಿನ ನಿಷೇಧಕ್ಕೆ ಪ್ರತಿಭವನೆ ವ್ಯಕ್ತಪಡಿಸಿವೆ.
ಸಾರ್ವಜನಿಕರು ತಮ್ಮ ಸರ್ಕಾರದ ಬಗ್ಗೆ ನಿಖರವಾದ, ಸ್ವತಂತ್ರ ಮಾಹಿತಿಯನ್ನು ಪಡೆಯುವಲ್ಲಿ ಪ್ರಮುಖ ಆಸಕ್ತಿಯನ್ನು ಹೊಂದಿದ್ದಾರೆ. ಯಾವುದೇ ಆಡಳಿತವು ಸುದ್ದಿ ಸಂಸ್ಥೆಯನ್ನು ನಿರ್ಬಂಧಿಸಬಾರದು ಏಕೆಂದರೆ ಅದು ಅದರ ವರದಿ ಮಾಡುವಿಕೆಯನ್ನು ಆಕ್ಷೇಪಿಸುತ್ತದೆ" ಎಂದು ಅನೇಕ ಮಾಧ್ಯಮಗಳು ಜಂಟಿ ಹೇಳಿಕೆಯಲ್ಲಿ ತಿಳಿಸಿವೆ.