ಹೈದ್ರಾಬಾದ್/ನವ ದೆಹಲಿ, ಅಕ್ಟೋಬರ್ ೨೮, ೨೦೧೪:
ರೈತರಿಗೆ ಉಗ್ರಾಣ ಪಾವತಿ ಹಣಕಾಸು ನೆರವಿನ ಬೆಂಬಲವನ್ನು ಒದಗಿಸುವ ಉದ್ದೇಶದಿಂದ ಕೆನರಾ ಬ್ಯಾಂಕ್, ಬೆಳೆ ಇಳುವರಿ ನಂತರದ ನಿರ್ವಹಣಾ ಸೇವೆಗಳನ್ನು ಒದಗಿಸುವ ಸಂಸ್ಥೆ ಒರಿಗೊ ಕಮಾಡಿಟೀಸ್ ಇಂಡಿಯಾ ಪ್ರೈ. ಲಿ.ನೊಂದಿಗೆ ಒಪ್ಪಂದವನ್ನು ಮಾಡಿಕೊಂಡಿದೆ. ಈ ಉಗ್ರಾಣ ಪಾವತಿ ಹಣಕಾಸು ಯೋಜನೆ, ರೈತರಿಗೆ ಹಣಕಾಸಿನ ನೆರವನ್ನು ಒದಗಿಸುವುದರ ಜೊತೆಗೆ, "ಡಿಸ್ಟ್ರೆಸ್ ಸೇಲ್" (ದುಸ್ತರ ಮಾರಾಟ) ಅನ್ನು ತಪ್ಪಿಸುತ್ತದೆ. ಕೆನರಾ ಬ್ಯಾಂಕ್ ಮತ್ತು ಒರಿಗೊ ಕಮಾಡಿಟೀಸ್ ನಡುವಿನ ಈ ಒಪ್ಪಂದ, ಕರ್ನಾಟಕ ಆಂಧ್ರ ಪ್ರದೇಶ, ತಮಿಳು ನಾಡು ಮತ್ತು ಮಹಾರಾಷ್ಟ್ರ ಸೇರಿದಂತೆ ಇನ್ನೂ ಹಲವು ರಾಜ್ಯಗಳಲ್ಲಿ ತನ್ನ ಸೇವೆಗಳನ್ನು ತಲುಪಿಸುತ್ತದೆ.
ಈ ಪಾಲುದಾರಿಕೆಯ ಬಗ್ಗೆ ಮಾತನಾಡಿದ ಕೆನರಾ ಬ್ಯಾಂಕ್‌ನ ಪ್ರಧಾನ ಪ್ರಬಂಧಕ ಶ್ರೀ ಎಸ್. ರಮೇಶ್ ಅವರು, "ಬೆಳೆ ಉತ್ಪಾದನೆ ಸಾಲ ಯೋಜನೆ, ಬಹಳ ಮುಖ್ಯವಾಗಿದ್ದು, ಈ ಹಿನ್ನೆಲೆಯಲ್ಲಿ ಈ ಒಪ್ಪಂದ ಕೆನರಾ ಬ್ಯಾಂಕ್‌ನ ರೈತಾಪಿ ಗ್ರಾಹಕರಿಗೆ ಬಹಳ ನೆರವಾಗಲಿದೆ. ಈ ಒಪ್ಪಂದ ಎಲ್ಲರಿಗೂ ಅನುಕೂಲವನ್ನು ಮಾಡಿಕೊಡುವುದರ ಜೊತೆಗೆ, ರೈತರು ತಮ್ಮ ಇಳುವರಿಯನ್ನು ಹೆಚ್ಚಿಸಿಕೊಳ್ಳುವಲ್ಲಿ ಮತ್ತು ತಮ್ಮ ಜೀವನದ ಗುಣಮಟ್ಟವನ್ನು ಸುಧಾರಿಸಿಕೊಳ್ಳುವಲ್ಲಿ ಲಾಭದಾಯಕವಾಗಲಿದೆ," ಎಂದು ವಿವರಿಸಿದರು.
ಕೆನರಾ ಬ್ಯಾಂಕ್, ದೇಶದ ಪ್ರಮುಖ ರಾಷ್ಟ್ರೀಕೃತ ಬ್ಯಾಂಕ್‌ಗಳ ಪೈಕಿ ಒಂದಾಗಿದ್ದು, ಕೃಷಿ ಸಾಲಗಳನ್ನು ನೀಡಲು ಆರ್‌ಬಿಐ ನಿಗಧಿಪಡಿಸಿರುವ ಕಡ್ಡಾಯ ನಿಯಮಗಳನ್ನು ಸಾಧಿಸಿದೆ. ಮೆ| ಒರಿಗೊ ಕಮಾಡಿಟೀಸ್ ಜೊತೆ ಒಪ್ಪಂದವನ್ನು ಮಾಡಿಕೊಂಡಿರುವ ಕೆನರಾ ಬ್ಯಾಂಕ್ ಮುಂಬರುವ ಮಾಸದಲ್ಲಿ, ಈ ಉಗ್ರಾಣ ಪಾವತಿ ಹಣಕಾಸು ನೆರವು ಯೋಜನೆಚಿiಡಿ ಅಚಿದಾಜು ರೂ.೧,೦೦೦ ಕೋಟಿಗಳ ವ್ಯಾಪಾರದ ಗುರಿಯನ್ನು ಹೊಂದಿದೆ.
ಒರಿಗೊ ಕಮಾಡಿಟೀಸ್‌ನ ನಿರ್ದೇಶಕ ಮಾಯಾಂಕ್ ಧನುಕ ಅವರು ಈ ಸಂದರ್ಭದಲ್ಲಿ ಮಾತನಾಡಿ, "ಕೆನರಾ ಬ್ಯಾಂಕ್ ಜೊತೆಗಿನ ಈ ಸಹಯೋಗ, ಇನ್ನೂ ತಲುಪದೇ ಇರುವಂತಹ ಕ್ರಮಗಳನ್ನು ಮತ್ತು ಮುಂಬರುವ ಕೃಷಿ ಮಾಸದಲ್ಲಿ ರೈತರಿಗೆ ಅತ್ಯುತ್ತಮ ಬೆಂಬಲವನ್ನು ಒದಗಿಸಲಿದೆ," ಎಂದರು.
ಒರಿಗೊ ಕಮಾಡಿಟೀಸ್ ೧೫ ರಾಜ್ಯಗಳಲ್ಲಿ ತನ್ನ ಅಸ್ತಿತ್ವವನ್ನು ಹೊಂದಿದ್ದು, ತನ್ನ ಉಗ್ರಾಣ ಸೇವೆಗಳನ್ನು ಹೆಚ್ಚಿನ ರೈತರಿಗೆ, ಗರಿಷ್ಠ ಮಟ್ಟದವರೆಗೆ ವಿಸ್ತರಿಸುವ ಯೋಜನೆಯನ್ನು ಹೊಂದಿದೆ.
