ಟಾಟಾ ಟೆಲಿಸರ್ವೀಸಸ್‌ನ ಅಂಗ ಸಂಸ್ಥೆಯಾದ ಎಂಎಂಪಿಎಲ್ ರತ್ನಾಕರ ಬ್ಯಾಂಕ್ ಸಹಯೋಗದೊಂದಿಗೆ ಪೇಸ್ಮಾರ್ಟ್ ಪ್ರೀಪೇಯ್ಡ್ ಕಾರ್ಡ್ ಬಿಡುಗಡೆಗೊಳಿಸಿದೆ.
ಬ್ಯಾಂಕ್‌ನ ಗ್ರಾಹಕರು ವೀಸಾದಿಂದ ಪರವಾನಗಿ ಪಡೆದ ಎಟಿಎಂಗಳಲ್ಲಿ ಹಣ ತೆಗೆಯಲು ಇದು ಸಹಕಾರಿಯಾಗಲಿದೆ. ಬ್ಯಾಂಕ್ ಖಾತೆಯಲ್ಲಿನ ಹಣ ವರ್ಗಾವಣೆ ಹಾಗೂ ಖಾತೆ ಸಂಬಂಧಿತ ವ್ಯವಹಾರಗಳಿಗೆ ಈ ಸೇವೆಯ ಪ್ರಯೋಜನ ಪಡೆದುಕೊಳ್ಳಬಹುದು.
ಪೇಸ್ಮಾರ್ಟ್ ಕಾರ್ಡ್‌ನಿಂದ ಕನಿಷ್ಠ ರು.200 ರಿಂದ ಗರಿಷ್ಠ ರು.1 ಲಕ್ಷದವರೆಗೂ ವ್ಯವಹರಿಸಬಹುದಾಗಿದೆ. ಇದರಿಂದ ಗ್ರಾಹಕರು ಸಾಂಪ್ರದಾಯಿಕ ಪಾವತಿಯಿಂದ ದೂರ ಉಳಿದು ಸುಲಭ, ಸುರಕ್ಷಿತ ಮತ್ತು ಖಾಸಗಿ ಪಾವತಿ ಅವಕಾಶವನ್ನು ಒದಗಿಸುತ್ತದೆ.
