ಕಪ್ಪು ಹಣ ಪಿಡುಗಿನ ತಡೆಗೆ ಎಲ್ಲ ಕ್ರಮಗಳನ್ನು ಕೈಗೊಳ್ಳಲಾಗುವುದು ಎಂದು ಪುನರುಚ್ಚರಿಸಿರುವ ಹಣಕಾಸು ಸಚಿವಾಲಯ ವಿದೇಶದಲ್ಲಿರುವ ಕಪ್ಪು ಹಣವನ್ನು ಘೋಷಿಸಲು ಸರ್ಕಾರ ನೀಡಿರುವ ಗಡುವನ್ನು ಬಳಸಿಕೊಳ್ಳದವರು ವಿಷಾದಿಸಬೇಕಾಗುತ್ತದೆ ಎಂದು ಹೇಳಿದೆ. ಕಪ್ಪು ಹಣ ಮತ್ತು ತೆರಿಗೆ ಹೇರಿಕೆ ಕಾಯ್ದೆ 2015ರ ಅಡಿಯಲ್ಲಿ ವಿದೇಶಗಳಲ್ಲಿರುವ ಕಪ್ಪು ಹಣ ಘೋಷಿಸುವುದಕ್ಕೆ ಸರ್ಕಾರ 90 ದಿನಗಳ ಅವಕಾಶ ನೀಡಿತ್ತು. ಈ ಅವಧಿ ಸೆ. 30ಕ್ಕೆ ಕೊನೆಯಾಗಿದೆ. ಈ ಅವಧಿಯಲ್ಲಿ ಕೇವಲ 638 ಮಂದಿ ಮಾತ್ರ ರು. 3,770 ಕೋಟಿ ಮೊತ್ತದ ಕಪ್ಪು ಹಣವನ್ನು ಘೋಷಿಸಿದ್ದಾರೆ.
