ಸಿಯೋಲ್: ಸ್ಯಾಮ್ ಸಂಗ್ ಗ್ಯಾಲಕ್ಸಿ ಎಸ್ 7 ಮತ್ತು ಗ್ಯಾಲಕ್ಸಿ ಎಸ್ 7 ಎಡ್ಜ್ ಸ್ಮಾರ್ಟ್ ಫೋನ್ ಗಳ ಮಾರಾಟದಲ್ಲಿ ಗಣನೀಯ ಏರಿಕೆ ಕಂಡುಬಂದಿದ್ದು, ವಾರ್ಷಿಕ 7 ಶತಕೋಟಿ ಡಾಲರ್ ಲಾಭ ಹಾಗೂ ಎರಡನೇ ತ್ರೈಮಾಸಿಕದಲ್ಲಿ ಶೇಕಡಾ 18ರಷ್ಟು ಲಾಭ ಕಂಡುಬಂದಿದೆ.
ಆದರೆ ಆ್ಯಪಲ್ ಕಂಪೆನಿ ಐಫೋನ್ ಮಾರಾಟದಲ್ಲಿ ಪ್ರಸಕ್ತ ದ್ವೈವಾರ್ಷಿಕ ಅವಧಿಯಲ್ಲಿ ಶೇಕಡಾ 15ರಷ್ಟು ಇಳಿಮುಖ ಕಂಡುಬಂದಿದೆ.
ಸ್ಯಾಮ್ ಸಂಗ್, ಏಪ್ರಿಲ್ ನಿಂದ ಜೂನ್ ವರೆಗೆ 90 ದಶಲಕ್ಷ ಹ್ಯಾಂಡ್ ಸೆಟ್ ಗಳನ್ನು ಮಾರಾಟ ಮಾಡಿದ್ದು, ಒಟ್ಟು ಸ್ಮಾರ್ಟ್ ಫೋನ್ ನ ಶೇಕಡಾ 80ರಷ್ಟು ಆಗಿದೆ ಎಂದು ಕೊರಿಯಾ ಹೆರಾಲ್ಡ್ ವರದಿ ಮಾಡಿದೆ.
ಸ್ಯಾಮ್ ಸಂಗ್ ಪ್ರಸಕ್ತ ವರ್ಷ ಸ್ಮಾರ್ಟ್ ಫೋನ್ ಮಾರಾಟವನ್ನು ಹೆಚ್ಚಿಸಲು ಪ್ರಯತ್ನಿಸುತ್ತಿದ್ದು, ಗ್ಯಾಲಕ್ಸಿ ಎ ಮತ್ತು ಜೆ ಸರಣಿಯನ್ನು ಮತ್ತು ಚೀನಾ ಮಾರುಕಟ್ಟೆಗೆ ಗ್ಯಾಲಕ್ಸಿ ಸಿ ಸರಣಿಯನ್ನು ವಿಶೇಷವಾಗಿ ಮಾರುಕಟ್ಟೆಯಲ್ಲಿ ಪ್ರಚುರಪಡಿಸಲಿದೆ.
