ಚಿನ್ನದ ಬಾಂಡ್ ಯೋಜನೆ ಐದನೇ ಆವೃತ್ತಿ ಜನವರಿ 14 ರಿಂದ ಪ್ರಾರಂಭ

ನವದೆಹಲಿ: ಸರ್ಕಾರದ ಮಹತ್ವಾಕಾಂಕ್ಷಿ ಚಿನ್ನದ ಬಾಂಡ್ ಯೋಜನೆಯ ಐದನೇ ಆವೃತ್ತಿ  2018-19ರ ಸರಣಿಯನ್ನು ಇದೇ ಜನವರಿ 14ರಿಂದ ಪ್ರಾರಂಭಿಸಲಾಗುತ್ತದೆ ಎಂದು ಸರ್ಕಾರ ತಿಳಿಸಿದೆ.

ಚಿನ್ನದ ಬಾಂಡ್ ಕೊಳ್ಳುವವರು ಜನವರಿ 14ರಿಂದ 18ರವರೆಗೆ ನಿಗದಿತ ಬ್ಯಾಂಕ್ ಗಳಿಗೆ ತೆರಳಿ ಬಾಂಡ್ ಪಡೆದುಕೊಳ್ಲಲು ಅವಕಾಶವಿದೆ.

ಬಾಂಡ್ ಮೇಲೆ ಚಿನ್ನದ ಪ್ರತಿ ಗ್ರಾಮ್ ಗೆ 3,214 ರೂ. ಬೆಲೆ ನಿಗದಿ ಮಾಡಲಾಗಿದೆ ಎಂದು ಹಣಕಾಸು ಸಚಿವಾಲಯ ಪ್ರಕಟಣೆ ಹೇಳಿದೆ.

ಇನ್ನು ಆನ್ ಲೈನ್ ನಲ್ಲಿ ಹೂಡಿಕೆ ಮಾಡುವ ಗ್ರಾಹಕರಿಗೆ ಹಾಗೂ ಡಿಜಿಟಲ್ ಪೇಮೆಂಟ್ ಮೂಲಕ ಪಾವತಿ ಮಾಡುವ ಗ್ರಾಹಕರಿಗೆ ಗ್ರಾಮ್ ಒಂದಕ್ಕೆ 50 ರು. ರಿಯಾಯ್ತಿ ಒದಗಿಸಲು ರಿಸರ್ವ್ ಬ್ಯಾಂಕ್ ನೊಡನೆ ಸಮಾಲೋಚನೆ ನಡೆಸಿ ನಿರ್ಧರಿಸಲಾಗುವುದು ಎಂದು ಸರ್ಕಾರ ಹೇಳಿದೆ. ಅಂತಹ ಹೂಡಿಕೆದಾರರಿಗೆ, ಚಿನ್ನದ ಬಾಂಡ್ ಒಂದರ ಬೆಲೆ  ಪ್ರತಿ ಗ್ರಾಂಗೆ 3,164 ರೂ.ಆಗಿರಲಿದೆ.