ಕರಣ್ ಜೋಹರ್ ಅವರ 'ದಿಲ್ ಹೈ ಮುಶ್ಕಿಲ್ ಇನ್ ಲಂಡನ್' ಚಿತ್ರದಲ್ಲಿ ರಣಬೀರ್ ಕಪೂರ್ ಬ್ಯುಸಿಯಾಗಿದ್ದರೆ, ನಟಿ ದೀಪಿಕಾ ಪಡುಕೋಣೆ, ರಣಬೀರ್ ಜೊತೆ ನಟಿಸಿರುವ 'ತಮಾಶಾ' ಚಿತ್ರದ ಆಡಿಯೋ ಬಿಡುಗಡೆ ಕಾರ್ಯಕ್ರಮದಲ್ಲಿ ಏಕ ತಾರೆಯಾಗಿ ಕಾಣಿಸಿಕೊಂಡಿದ್ದಾರೆ.
ಸಿನೆಮಾಗೆ ಸಂಗೀತ ನಿರ್ದೇಶಿಸಿರುವ ಎ ಆರ್ ರೆಹಮಾನ್ ಅವರನ್ನು ಮನಸಾರೆ ಹೊಗಳಿದ ದೀಪಿಕಾ "ವಿಶ್ವದ ಇತರ ಸಿನೆಮಾಗಳಿಗಿಂತ ನಮ್ಮ ಸಿನೆಮಾಗಳನ್ನು ವಿಶಿಷ್ಟವಾಗಿಸುವುದು ಸಂಗೀತ. ನಮ್ಮ ವೃತ್ತಿಜೀವನದಲ್ಲಿ ಸಿನೆಮಾವೊಂದಕ್ಕೆ ರೆಹಮಾನ್ ಸಂಗೀತ ನಿರ್ದೇಶಿಸಿದರೆ ಅದು ಮೈಲಿಗಲ್ಲು. ತಮಾಶಾ ಹಾಡುಗಳನ್ನು ಚಿತ್ರೀಕರಿಸುವಾಗ ಒಳ್ಳೆಯ ಸಮಯ ಕಳೆದೆವು" ಎಂದು ನಟಿ ತಿಳಿಸಿದ್ದಾರೆ.
ಸಿನೆಮಾದಲ್ಲಿ ತಮ್ಮ ನೆಚ್ಚಿನ ಹಾಡನ್ನು ಸೂಚಿಸುವಂತೆ ಕೇಳಿದಾಗ, ಅಲ್ಕಾ ಯಾಗ್ನಿಕ್ ಮತ್ತು ಅರ್ಜಿತ್ ಸಿಂಗ್ ಹಾಡಿರುವ 'ಅಗರ್ ತುಮ್ ಸಾಥ್ ಹೋ' ಇಷ್ಟ ಎಂದಿರುವ ದೀಪಿಕಾ "ಪ್ರೀತಿಯನ್ನು ಅನುಭವಿಸಿರುವ ಜನರನ್ನು ಈ ಹಾಡು ನೆನಪಿಸುತ್ತದೆ" ಎಂದಿದ್ದಾರೆ.
ಜಾಗತಿಕ ಮಟ್ಟದಲ್ಲಿ ಸಿನೆಮಾದಲ್ಲಿ ನಟಿಸುವಾಸೆ ತೋರಿರುವ ನಟಿ "ಹಾಲಿವುಡ್ ಸಿನೆಮಾಗಳಲ್ಲಿ ನಟಿಸುವ ಆಸೆಯಿದೆ" ಎಂದಿದ್ದಾರೆ.
Advertisement