ಕಾಂಡೋಮ್ ಜಾಹೀರಾತು: ಟೀಕಾಕಾರರಿಗೆ ಸನ್ನಿ 'ಟ್ವೀಟ್' ಏಟು

ಮುಂಬೈ : ಸನ್ನಿ ಲಿಯೋನ್‌ಳ ಕಾಂಡೋಮ್ ಜಾಹೀರಾತಿನಿಂದಾಗಿ ಗಂಡಸರು ಮಹಿಳೆಯರ ಮೇಲೆ ಅತ್ಯಾಚಾರವೆಸಗುತ್ತಾರೆ ಎಂದ ಸಿಪಿಎಂ ರಾಷ್ಟ್ರೀಯ ಕಾರ್ಯದರ್ಶಿ ಅತುಲ್ ಕುಮಾರ್ ಅಂಜಾನ್ ಹೇಳಿಕೆಗೆ ನಟಿ ಸನ್ನಿ ಲಿಯೋನ್ ಪ್ರತಿಕ್ರಿಯಿಸಿದ್ದಾಳೆ.

ಕಾಂಡೋಮ್ ಜಾಹೀರಾತಿನ ಬಗ್ಗೆ ಟೀಕಿಸಿವರಿಗೆ ಟ್ವೀಟರ್‌ನಲ್ಲಿ ಉತ್ತರಿಸಿದ ಸನ್ನಿ, ಅಧಿಕಾರದಲ್ಲಿರುವವರು ಅಸಹಾಯಕರಿಗೆ ನೆರವು ಒದಗಿಸುವ ಬದಲು ನನ್ನ ಬಗ್ಗೆ ಯೋಚಿಸಿ ಅವರ ಸಮಯ ಮತ್ತು ಶಕ್ತಿಯನ್ನು ವ್ಯರ್ಥ ಮಾಡುವುದು ನೋಡಿದರೆ ಬೇಸರವೆನಿಸುತ್ತದೆ ಎಂದಿದ್ದಾರೆ.

ಬಿಗ್‌ಬಾಸ್ ರಿಯಾಲಿಟಿ ಶೋ ಮೂಲಕ ಬೆಳ್ಳಿ ತೆರೆಗೆ ಕಾಲಿಟ್ಟ ನೀಲಿ ಚಿತ್ರ ನಟಿ ಈಗ ಬಾಲಿವುಡ್‌ನಲ್ಲಿ ಸಕ್ರಿಯವಾಗಿದ್ದಾಳೆ. ಬಾಲಿವುಡ್ ಮಾತ್ರವಲ್ಲ ಇತರ ಭಾಷೆಗಳಲ್ಲಿಯೂ ನಟಿಸಿ ಬೇಡಿಕೆ ಗಿಟ್ಟಿಸಿರುವ ಈಕೆ ಹಲವಾರು ಜಾಹೀರಾತುಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾಳೆ.