ಅವಾರ್ಡ್ ಸಿಗಲಿಲ್ಲ ಅನ್ನೋ ಬೇಜಾರು ಈಕೆಗಿಲ್ಲ. ಕೂರೋದಿಕ್ಕೆ ಕುರ್ಚಿ ಸಿಗಲಿಲ್ಲ ಎಂಬುದಷ್ಟೇ ಈಕೆಯ ಸಿಟ್ಟಿಗೆ ಕಾರಣ. ಹೌದು, ಹೇಟ್‍ಸ್ಟೋರಿ 3' ಚಿತ್ರಕ್ಕೂ ಅವಾರ್ಡ್ ಸಿಗಬಹುದೇನೋ ಎಂಬಾಸೆಯಿಂದ ಝರೀನ್ ಕಾರ್ಯಕ್ರಮಕ್ಕೆ ಹೋಗಿದ್ದಳು. ಅಷ್ಟರಲ್ಲಾಗಲೇ ಫಂಕ್ಷನ್ ಶುರುವಾಗಿತ್ತು. ಎಲ್ಲ ತಾರೆಯರು ತಮ್ಮ ತಮ್ಮ ಹೆಸರಿದ್ದ ಕುರ್ಚಿಗಳ ಮೇಲೆ ಆಸೀನರಾಗಿದ್ದರು. ಆದರೆ, ಝರೀನ್‍ಖಾನ್ ಹೆಸರು ಯಾವ ಕುರ್ಚಿ ಮೇಲೂ ಬರೆದಿರಲಿಲ್ಲ. ಫಿಲ್ಮ್ಫೇರ್ ಸಂಘಟಕರು ಈಕೆಯನ್ನೇ ಮರೆತಿದ್ದರಂತೆ. ತನ್ನ ಕುರ್ಚಿಗಾಗಿ ಅತ್ತಿತ್ತ ಹುಡುಕಾಡಿ ಸುಸ್ತಾದ ಝರೀನ್‍ಳನ್ನು ಬೇರೆ ನಟಿಯರು ನೋಡಿ ನಗುತ್ತಿದ್ದರಂತೆ.
