ನವದೆಹಲಿ: ಬಾಲಿವುಡ್ ನಟಿಯರಲ್ಲಿ ಸದ್ಯ ಅಗ್ರಗಣ್ಯ ಸ್ಥಾನದಲ್ಲಿರುವ ಪ್ರಿಯಾಂಕಾ ಚೋಪ್ರಾ ಮತ್ತು ದೀಪಿಕಾ ಪಡುಕೋಣೆ ಬಗ್ಗೆ ರೂಪದರ್ಶಿ ಹಾಗೂ ಬಾಲಿವುಡ್ ನಟಿ ವಲುಸ್ಚ ಡಿ ಸೋಜ ಹೊಗಳಿದ್ದು, ಮಾಡೆಲ್ ಗಳು ನಟನೆ ಮಾಡಲು ಸಾಧ್ಯವಿಲ್ಲ ಎಂಬ ಭಾವನೆಯನ್ನು ಈ ಇಬ್ಬರು ನಾಯಕಿಯರು ಸುಳ್ಳಾಗಿಸಿದ್ದಾರೆ ಎಂದು ಹೇಳಿದ್ದಾರೆ.
ರೂಪದರ್ಶಿಯಾಗಿ ವೃತ್ತಿ ಜೀವನ ಆರಂಭಿಸಿದ ವಲುಸ್ಚ ಇತ್ತೀಚೆಗೆ ತೆರೆಕಂಡ ಶಾರೂಕ್ ಖಾನ್ ರ ಫ್ಯಾನ್ ಚಿತ್ರದ ಮೂಲಕ ಬಾಲಿವುಡ್ ಸಿನಿಮಾಗೆ ಪಾದಾರ್ಪಣೆ ಮಾಡಿದ್ದಾರೆ. ಮಾಡೆಲಿಂಗ್ ನಿಂದ ನಟನೆ ವೃತ್ತಿಗೆ ಪಾದಾರ್ಪಣೆ ಮಾಡಿದ ಗಳಿಗೆ ನಿಜಕ್ಕೂ ಅದ್ಭುತ. ತಮಗೆ ಇದು ಖುಷಿ ನೀಡಿದೆ ಎಂದು ಹೇಳಿದ್ದಾರೆ.
ಅನೇಕ ಯುವತಿಯರು ಮಾಡೆಲಿಂಗ್ ನ್ನು ಬಾಲಿವುಡ್ ಪ್ರವೇಶಕ್ಕೆ ಮೆಟ್ಟಿಲಾಗಿ ತೆಗೆದುಕೊಳ್ಳುತ್ತಾರೆ. ನಮ್ಮಲ್ಲಿ ದೀಪಿಕಾ ಪಡುಕೋಣೆ ಮತ್ತು ಪ್ರಿಯಾಂಕಾ ಚೋಪ್ರಾ ಇದಕ್ಕೆ ಉದಾಹರಣೆ. ನನಗೆ ಇದು ಒಂದು ದೊಡ್ಡ ಪರಿವರ್ತನೆ. ನನ್ನ ಸದ್ಯದ ವೃತ್ತಿಜೀವನದ ಬಗ್ಗೆ ಸಂತೋಷವಿದೆ ಎಂದು ಸುದ್ದಿಸಂಸ್ಥೆಗೆ ಹೇಳಿಕೊಂಡಿದ್ದಾರೆ.
ತನಗೆ ನಟನೆ ಎಂಬುದು ಯಾವಾಗಲೂ ಅನುರಾಗದ ಭಾವವಿದೆ. ಮೊದಲ ಚಿತ್ರ ಫ್ಯಾನ್ ನಲ್ಲಿನ ನಟನೆಗೆ ವಲುಸ್ಚಾಗೆ ಪ್ರಶಂಸೆ ವ್ಯಕ್ತವಾಗಿದೆ.
Advertisement