ಕ್ರಿಶ್-4 ಘೋಷಣೆ ಮಾಡಿದ ರಾಕೇಶ್ ರೋಷನ್

ಮುಂಬೈ: ಜನಪ್ರಿಯ ಸೈನ್ಸ್-ಫಿಕ್ಷನ್ ಚಲನಚಿತ್ರ ಕ್ರಿಶ್ ನ ನಾಲ್ಕನೇ ಆವೃತ್ತಿಯನ್ನು ರಾಕೇಶ್ ರೋಷನ್ ಅವರು ಘೋಷಿಸಿದ್ದು, ಇದರಲ್ಲಿಯೂ ಮುಖವಾಡ ಧರಿಸಿದ ನಾಯಕನ ಪಾತ್ರವನ್ನು ಅವರ ಪುತ್ರ ಹೃತಿಕ್ ರೋಷನ್ ನಿರ್ವಹಿಸಲಿದ್ದಾರೆ. 

"ಕ್ರಿಶ್ ಆಗಿರುವ ಬಪ್ಪಾನ ಚಿತ್ರದ ಟ್ವೀಟ್ ಅನ್ನು ನನ್ನ ಪತ್ನಿ ತೋರಿಸಿದರು. ಆಗ ನನಗೆ ಮತ್ತೆ ಧೃಢವಾಯಿತು, ನಮ್ಮಲ್ಲಿರುವ ಒಂದೇ ಮೂಲದ ಸೂಪರ್ ಹೀರೊ ಇದು ಎಂದು. ಇದು ನನ್ನ ಆತ್ಮವಿಶ್ವಾಸ ಹೆಚ್ಚಿಸಿ ನಾಲ್ಕನೇ ಭಾಗ ಮಾಡಬೇಕೆಂದು ನಿಶ್ಚಯಿಸಿದೆ" ಎಂದು ರಾಕೇಶ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ. 

ಈ ಸೂಪರ್ ಹೀರೊ ಚಲನಚಿತ್ರದಲ್ಲಿ ನಾಯಕನಟನಾಗಿರುವ ಹೃತಿಕ್, ಕ್ರಿಶ್ ವೇಷ ತೊಟ್ಟ ಗಣೇಶನ ಫೋಟೋವನ್ನು ಮಂಗಳವಾರ ಹಂಚಿಕೊಂಡಿದ್ದಾರೆ. 

"ಗಣಪತಿ ಕ್ರಿಶ್ 4 ಕ್ಕೆ ಆಶೀರ್ವಾದ ಮಾಡುತ್ತಿದ್ದಾನೆ" ಎಂದು ಇದಕ್ಕೆ ಶೀರ್ಷಿಕೆ ನೀಡಿರುವ ಹೃತಿಕ್ "ಎಲ್ಲರೂ ಹಬ್ಬಗಳನ್ನು ಸಂಭ್ರಮಿಸುತ್ತಿದ್ದೀರಿ ಎಂಬ ನಂಬಿಕೆ ಇದೆ. ಎಲ್ಲರಿಗು ಪ್ರೀತಿ" ಎಂದಿದ್ದಾರೆ. 

ಮುಂದಿನ ವರ್ಷ ಚಿತ್ರೀಕರಣ ಪ್ರಾರಂಭವಾಗಲಿದ್ದು, 2018 ರ ಕ್ರಿಸ್ಮಸ್ ಗೆ ಸಿನೆಮಾ ಬಿಡುಗಡೆಯಾಗಲಿದೆ. 

ಸಂಜಯ್ ಗುಪ್ತಾ ನಿರ್ದೇಶನದ ಹೃತಿಕ್ ರೋಷನ್ ಮತ್ತು ಯಾಮಿ ಗೌತಮ್ ನಟಿಸಿರುವ 'ಕಾಬಿಲ್' 2017 ಜನವರಿ 26 ಕ್ಕೆ ಬಿಡುಗಡೆಯಾಗಲಿದೆ.