ಮುಂಬೈ: ಬಾಲಿವುಡ್ ಸ್ಟಾರ್ ರಣವೀರ್ ಸಿಂಗ್ ಇತ್ತೀಚೆಗೆ ತಮ್ಮ ಹುಟ್ಟುಹಬ್ಬದ ಸಂದರ್ಭದಲ್ಲಿ ಅಭಿಮಾನಿಯೊಬ್ಬರಿಂದ ವಿಶೇಷ ಉಡುಗೊರೆಯೊಂದನ್ನು ಸ್ವೀಕರಿಸಿದ್ದಾರೆ.
ಆಯೇಷಾ ಗಾಂಧಿ ಎಂಬ ಕಲಾವಿದೆಯೊಬ್ಬರು, ಸುಮಾರು 3 ತಿಂಗಳ ಅವಧಿಯಲ್ಲಿ 100,000 ಹರಳುಗಳಿಂದ ಮಾಡಿದ್ದ ಅದ್ಬುತ ಕಲಾಕೃತಿಯೊಂದನ್ನು ರಣವೀರ್ ಸಿಂಗ್ ಗೆ ತಮ್ಮ ತಾಯಿ ಶಗುನ್ ಚೌಧರಿ ಪರವಾಗಿ ಗಿಫ್ಟ್ ನೀಡಿದ್ದಾರೆ. ಶಗುನ್ ಚೌಧರಿ ರಣವೀರ್ ಸಿಂಗ್ ಅವರ ದೊಡ್ಡ ಅಭಿಮಾನಿಯಾಗಿದ್ದಾರೆ.
ಕಲಾಕೃತಿ ಮುಂದೆ ಫೋಸ್ ನೀಡಿರುವ ರಣವೀರ್ ಸಿಂಗ್ ಅವರ ಫೋಟೋವನ್ನು ಅಯೇಷಾ ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ತಮ್ಮ ತಾಯಿಯ ನೆಚ್ಚಿನ ನಟನ ಹುಟ್ಟುಹಬ್ಬಕ್ಕೆ ಏನಾದರೊಂದು ವಿಶೇಷವಾದ ಗಿಫ್ಟ್ ನೀಡಲು ಬಯಸಿದ್ದೆ. ಮೂರು ತಿಂಗಳಲ್ಲಿ ಇದನ್ನು ರಚಿಸಿದ್ದಾಗಿ ಅವರು ಬರೆದುಕೊಂಡಿದ್ದಾರೆ.
