ದೃಶ್ಯಂ 3: ದಿ ಕನ್‌ಕ್ಲೂಷನ್ ಬಾಕ್ಸ್ ಆಫೀಸ್‌ನಲ್ಲಿ ಧೂಳೆಬ್ಬಿಸುತ್ತಿದೆ. ನಾಲ್ಕನೇ ದಿನ ಚಿತ್ರದ ಗಳಿಕೆ ಸ್ವಲ್ಪ ನಿಧಾನವಾಗಿರಬಹುದು. ಆದರೆ ಒಟ್ಟು ಕಲೆಕ್ಷನ್ ವಿಷಯದಲ್ಲಿ ಇದು ಈಗಾಗಲೇ ಗಮನಾರ್ಹ ಮೈಲಿಗಲ್ಲನ್ನು ಮೀರಿದೆ. ಅಜಯ್ ದೇವಗನ್ ಅಭಿನಯದ ಈ ಚಿತ್ರ ಬಿಡುಗಡೆಯಾದ ಕೇವಲ ನಾಲ್ಕು ದಿನಗಳಲ್ಲಿ ವಿಶ್ವಾದ್ಯಂತ 300 ಕೋಟಿ ಗಡಿ ದಾಟಿದೆ. ಇದರ ವಿಶ್ವಾದ್ಯಂತ ಒಟ್ಟು ಕಲೆಕ್ಷನ್ ಈಗ ₹303 ಕೋಟಿ ತಲುಪಿದೆ.
ಬಿಡುಗಡೆಯಾದ ನಾಲ್ಕನೇ ದಿನದಂದು, ಈ ಚಿತ್ರವು ಭಾರತದಲ್ಲಿ 16,274 ಪ್ರದರ್ಶನಗಳಿಂದ 21 ಕೋಟಿ ನಿವ್ವಳ ಗಳಿಸಿದೆ. ಇದು ಭಾರತದಲ್ಲಿ ಚಿತ್ರದ ಒಟ್ಟು ನಿವ್ವಳ ಗಳಿಕೆ 197.50 ಕೋಟಿಗೆ ತಲುಪಿದೆ. ಭಾರತದಲ್ಲಿ ಚಿತ್ರದ ಒಟ್ಟು ಕಲೆಕ್ಷನ್ 237 ಕೋಟಿ ತಲುಪಿದೆ.
ದೃಶ್ಯಂ 3: ದಿ ಕನ್‌ಕ್ಲೂಷನ್ ಭಾರತ ಮತ್ತು ಸಾಗರೋತ್ತರ ಮಾರುಕಟ್ಟೆಗಳಲ್ಲಿ ಉತ್ತಮ ಪ್ರತಿಕ್ರಿಯೆ ಪಡೆಯುತ್ತಿದೆ. ಚಿತ್ರವು ನಾಲ್ಕನೇ ದಿನ ವಿದೇಶಗಳಲ್ಲಿ 5 ಕೋಟಿ ಗಳಿಸಿದೆ. ವಿದೇಶದಲ್ಲಿ ಒಟ್ಟು ಗಳಿಕೆ 66 ಕೋಟಿಗೆ ತಲುಪಿದೆ. ಇನ್ನು ಹಿಂದಿಯ ದೃಶ್ಯಂ 3 ಚಿತ್ರಕ್ಕೂ ಮುನ್ನ ಮೋಹನ್ ಲಾಲ್ ನಟನೆಯ ಮಲಯಾಳಂನಲ್ಲಿ ತೆರೆಕಂಡಿದ್ದ Drishyam 3: The Past Never Stays Silent ಚಿತ್ರ ವಿಶ್ವಾದ್ಯಂತ ಒಟ್ಟು 237.70 ಕೋಟಿ ಗಳಿಕೆ ಕಂಡಿತ್ತು.
ಬಾಕ್ಸ್ ಆಫೀಸ್ ಗಳಿಕೆಯ ವಿವರಗಳು:
• ಕೇರಳದ ಒಟ್ಟು ಗಳಿಕೆ: ಸುಮಾರು 86.25 ಕೋಟಿ
• ಭಾರತದ ಇತರ ಭಾಗಗಳ ಒಟ್ಟು ಗಳಿಕೆ: 37.52 ಕೋಟಿ
• ವಿದೇಶಿ ಮಾರುಕಟ್ಟೆಯ ಒಟ್ಟು ಗಳಿಕೆ: ₹109.15 ಕೋಟಿ. ಇದರಲ್ಲಿ ಮಧ್ಯಪ್ರಾಚ್ಯ, ಉತ್ತರ ಅಮೆರಿಕಾ ಮತ್ತು ಯುಕೆ (UK) ಪ್ರದೇಶಗಳ ಬಲವಾದ ಗಳಿಕೆಯು ಪ್ರಮುಖ ಪಾತ್ರವಹಿಸಿದೆ.
