ರಜನಿಕಾಂತ್ ಯಾವ ರೀತಿಯ ಸಿನಿಮಾಗಳನ್ನು ಮುಂದೆ ಮಾಡಬೇಕೆಂಬ ಆತ್ಮಾವಲೋಕನದಲ್ಲಿ ತೊಡಗಿದ್ದಾರಂತೆ. ಎಂದಿರನ್, ಕೊಚ್ಚಾಡಿಯನ್ ಸಿನಿಮಾಗಳ ನಂತರ ತಮ್ಮ ಮುಂದಿನ ಸಿನಿಮಾಗಳು ಹೇಗಿರಬೇಕೆಂದು ಆಪ್ತರ ಬಳಿ ಚರ್ಚೆ ಮಾಡಿದ ಫಲವೇ 'ಲಿಂಗಾ' ಚಿತ್ರ ಬಂದಿದ್ದು.
ಪಡೆಯಪ್ಪ, ಅರುಣಾಚಲಂ, ಮುತ್ತು, ಭಾಷಾ ಮಾದರಿಯ ಸಿನಿಮಾಗಳತ್ತ ಗಮನ ಕೊಟ್ಟಿರುವ ರಜನಿಕಾಂತ್, ಇನ್ನು ಮುಂದೆ ಎಂದಿರನ್ನ ಯಂತ್ರದಂತೆ, ಕೊಚ್ಚಡಿಯನ್ನ ಕೀಲುಗೊಂಬೆಯಂತೆ ಕಾಣಿಸಿ ಕೊಳ್ಳದಿರುವುದಕ್ಕೆ ನಿರ್ಧರಿಸಿದ್ದಾರೆ.
ಕಥೆಯಾಧಾರಿತ ಸಿನಿಮಾಗಳ ಕಡೆಗೆ ಮುಖ ಮಾಡಿರುವ ರಜನಿ, ಕಥೆ ಮತ್ತು ತಮ್ಮ ಅಭಿಮಾನಿಗಳಿಗೆ ಮೆಚ್ಚಿಗೆಯಾಗುವಂಥ ಹೀರೋಯಿಸಂ ತೋರಿಸುವ ಸಿನಿಮಾಗಳನ್ನೇ ಆಯ್ಕೆ ಮಾಡಿಕೊಳ್ಳಲಿದ್ದಾರೆ. ಒಂದು ಸೋಲು ಮತ್ತು ರಾಜಕೀಯದ ಹುನ್ನಾರ.... ಇವು ರಜನಿಯನ್ನು ಮತ್ತಷ್ಟು ಗಟ್ಟಿಯಾಗಿಸಿದೆ!
Advertisement