ಬೆಂಗಳೂರು: ನಾಳೆ ಕನ್ನದ ಸಿನೆಮಾ ರಸಿಕರಿಗೆ ಮನರಂಜನೆ ಉಣಬಡಿಸಲು ಮೂರೂ ಸಿನೆಮಾಗಳು ಸಿದ್ಧವಾಗಿದೆ. ಅವಗಳಲ್ಲಿ ಎರಡು ಹಾರರ್ ಸಿನೆಮಾಗಳಾದರೆ ಒಂದು ನಟ ಆದಿತ್ಯ ಚಿಕ್ಕಣ್ಣ ನಿರ್ದೇಶನದಲ್ಲಿ ವಿಜಯ ರಾಘವೇಂದ್ರ ನಟಿಸಿರುವ ಫ್ಯಾಮಿಲಿ ಸೆಂಟಿಮೆಂಟ್ ಸಿನೆಮಾ ವಂಶೋದ್ಧಾರಕ.
ರಾಕ್ಷಸಿ: ೨೦೧೪ರಲ್ಲಿ ಬಿಡುಗಡೆಯಾಗಿದ್ದ್ ಮಿಸ್ಕಿನ್ ನಿರ್ದೇಶನದ ತಮಿಳು ಸಿನೆಮಾ 'ಪಿಸಾಸು'ವಿನ ರಿಮೇಕ್. ಕಡಿಮೆ ಬಜೆಟ್ ನಲ್ಲಿ ನಿರ್ಮಿಸಲಾಗಿದ್ದ ಈ ಸಿನೆಮ ಒಳ್ಳೆಯ ಯಶಸ್ಸು ಕಂಡಿತ್ತು. ತಮಿಳಿನ ಖ್ಯಾತ ನಿರ್ದೇಶಕ ಮುರುಗದಾಸ್ ಅವರ ಶಿಷ್ಯ ಆಶ್ರಪ್ ಈ ಸಿನೆಮಾವನ್ನು ಕನ್ನಡದಲ್ಲಿ ನಿರ್ದೇಶಿಸಿದ್ದು ಸಿಂಧು ಲೋಕನಾಥ್ ಮುಖ್ಯಭೂಮಿಕೆಯಲ್ಲಿದ್ದಾರೆ.
ಊಜಾ: ಆತ್ಮ ಅಥವಾ ಸ್ಪಿರಿಟ್ ಎಂದು ಕರೆಯಲಾಗುವುದರ ಕಥೆ ಇಟ್ಟುಕೊಂಡು ನಿರ್ದೇಶಕ ರಾಜಕುಮಾರ್ ರೆಡ್ಡಿ ಅವರ ನಿರ್ದೇಶನ ಹಾರರ್ ಚಿತ್ರ ಇದು. ಶ್ರದ್ಧಾ ದಾಸ್, ಭರತ್, ಗಾಯಿತ್ರಿ ಮುಂತಾದ ಹೊಸ ಮುಖಗಳನ್ನು ಸಿನೆಮಾದಲ್ಲಿ ಪರಿಚಯಿಸುತ್ತಿದ್ದು, ಹಿರಿಯ ನಟ ಅವಿನಾಶ್ ಕೂಡ ನಟಿಸಿದ್ದಾರೆ.
ವಂಶೋದ್ಧಾರಕ: ಆದಿತ್ಯ ಚಿಕ್ಕಣ್ಣ ನಿರ್ದೇಶನದಲ್ಲಿ ಚಿನ್ನಾರಿಮುತ್ತ ವಿಜಯ್ ರಾಘವೇಂದ್ರ ನಟಿಸಿರುವ ವಂಶೋದ್ಧಾರಕ ಕೌಟುಂಬಿಕ ಭಾವನಾತ್ಮಕ ಚಿತ್ರ. ಮೇಘನಾ ರಾಜ್ ನಾಯಕಿಯಾಗಿ ನಟಿಸಿದ್ದರೆ, ಲಕ್ಷ್ಮಿ, ರಂಗಾಯಣ ರಘು, ಸಾಧು ಕೋಕಿಲಾ ಮುಂತಾದ ದೊಡ್ಡ ತಾರಾಗಣದ ಬಲವೇ ಇದೆ. ಸಂಗೀತ ವಿ ಮನೋಹರ್ ಅವರದ್ದು.
Advertisement