ಬೆಂಗಳೂರು: 'ಲೂಸಿಯಾ' ಜೋಡಿಯನ್ನು ಮತ್ತೆ ಒಟ್ಟಿಗೆ ತಂದಿರುವ ನಿರ್ದೇಶಕ ಜಯತೀರ್ಥ ಚಿತ್ರೀಕರಣದ ಜೊತೆಜೊತೆಗೇ ಥೀಮ್ ಫೋಟೋ ಶೂಟ್ ಮಾಡಿ ಮುಗಿಸಿದ್ದಾರೆ. 'ಬ್ಯೂಟಿಫುಲ್ ಮನಸುಗಳು' ಚಿತ್ರದಲ್ಲಿ ಮತ್ತೆ ಒಟ್ಟಾಗಿ ಕಾಣಿಸಿಕೊಳ್ಳುತ್ತಿರುವ ಶೃತಿ ಹರಿಹರನ್ ಮತ್ತು ನೀನಾಸಮ್ ಸತೀಶ್ ಈ ಥೀಮ್ ಫೋಟೋ ಶೂಟ್ ನಲ್ಲಿ ಭಾಗಿಯಾಗಿದ್ದಾರೆ.
ಈ ಫೋಟೋ ಶೂಟ್ ಕಥೆಗೆ ಹೊಂದಾಣಿಕೆಯಾಗುತ್ತದಂತೆ, "ಕಥೆಯಲ್ಲಿ ಐದು ಎಳೆಗಳಿವೆ -- ಮೊದಲನೆಯದು ಬೋಟಿ-ಟೀ. ನಾಯಕ, ಬಾರ್ ಮಾಲೀಕನ ಮಗ, ಪೂಜಾರಿ ಮಗಳನ್ನು ಭೇಟಿ ಮಾಡುತ್ತಾನೆ. ಅವರ ಪ್ರೀತಿ ಎಷ್ಟು ಸರಳವಾಗಿರುತ್ತದೆಂದರೆ, ಅವರ ಮೊದಲ ರೊಮ್ಯಾಂಟಿಕ್ ಮಾತುಕತೆ ನಡೆಯುವುದೆಲ್ಲವೂ ಟೀ ಕುಡಿಯುವಾಗ. ಅದನ್ನು ಈ ಚಿತ್ರದಲ್ಲಿ ಸೆರೆಹಿಡಿದಿದ್ದೇವೆ" ಎಂದು ವಿವರಿಸುತ್ತಾರೆ ಜಯತೀರ್ಥ.
ನೀರು ಗುಳ್ಳೆಗಳು, ಮಳೆ, ಸಿಡಿಲು, ನಡಿಗೆ ಇತರ ಥೀಮ್ ಗಳಂತೆ. "ಆಯಾಯ ಚಿತ್ರೀಕರಣ ನಡೆಯುವಾಗ ಚಿತ್ರಗಳನ್ನು ಬಿಡುಗಡೆ ಮಾಡಲಿದ್ದೇವೆ" ಎನ್ನುತ್ತಾರೆ ನಿರ್ದೇಶಕ.
ಎರಡನೇ ಹಂತದ ಚಿತ್ರೀಕರಣ ಏಪ್ರಿಲ್ ೨೧ರಿಂದ ಪ್ರಾರಂಭವಾಗಲಿದೆಯಂತೆ. ಬಿಜೆ ಭರತ್ ಸಂಗೀತ ಒದಗಿಸುತ್ತಿದ್ದು, ಕಿರಣ್ ಹಂಪಾಪುರ ಸಿನೆಮ್ಯಾಟೋಗ್ರಾಫರ್. "ಮೇ ಅಂತ್ಯಕ್ಕೆ ಚಿತ್ರೀಕರಣ ಮುಗಿಸುತ್ತೇವೆ" ಎನ್ನುತ್ತಾರೆ ನಿರ್ದೇಶಕ.
Advertisement