ರಜನಿ ಕಾಂತ್ ಮುಂದಿನ ಸಿನಿಮಾಗೆ ಅಳಿಯ ಪ್ರೊಡ್ಯೂಸರ್

ಚೆನ್ನೈ: ಕಬಾಲಿ ಯಶಸ್ಸಿನಿಂದ ಖುಷಿಯಾಗಿರುವ ರಜನಿಕಾಂತ್ ಮತ್ತು ನಿರ್ದೇಶಕ ಪಾ ರಂಜಿತ್ ಜೋಡಿಯ ಮತ್ತೊಂದು ಚಿತ್ರ ಶೀಘ್ರವೇ ಸೆಟ್ಟೇರಲಿದೆ.

ಎಂಧಿರನ್ ನಂತರ ರಜನಿಕಾಂತ್ ಅಳಿಯ ಧನುಷ್ ಮತ್ತೊಂದು ಚಿತ್ರ ನಿರ್ಮಾಣಕ್ಕೆ ಇಳಿದಿದ್ದು, ಪಾ ರಂಜಿತ್ ನಿರ್ದೇಶನದಲ್ಲಿ ರಜನಿಕಾಂತ್ ಅಭಿನಯಿಸುವ ಚಿತ್ರವನ್ನು ನಿರ್ಮಾಣ ಮಾಡುವುದಾಗಿ ಸಾಮಾಜಿಕ ಮಾಧ್ಯಮಗಳಲ್ಲಿ ಹೇಳಿಕೊಂಡಿದ್ದಾರೆ.

 ವಂಡರ್ ಬಾರ್ ಫಿಲ್ಮ್ ಬ್ಯಾನರ್ ನಲ್ಲಿ ರಜನಿಯ ಮತ್ತೊಂದು ಸಿನಿಮಾ ಬರುತ್ತಿರುವುದಕ್ಕೆ ರಜನಿ ಅಭಿಮಾನಿಗಳು ಫುಲ್ ಖುಷಿ ಆಗಿದ್ದಾರೆ.

ಸಿನಿಮಾ ನಿರ್ಮಾಣ ಸಂಬಂಧ ಧನುಷ್ ಹಾಕಿರುವ ಪೋಸ್ಟ್ ಗೆ 3 ಸಾವಿರ ಲೈಕ್ಸ್ ಹಾಗೂ 2.500 ರೀ ಟ್ವೀಟ್ ಬಂದಿವೆ.


ರಜನಿಕಾಂತ್ ಅಭಿನಯಿಸಿ, ರಂಜಿತ್ ಪಾ ನಿರ್ದೇಶಿಸಿದ್ದ ಕಬಾಲಿ ಬಿಗ್ ಬಜೆಟ್ ಚಿತ್ರವಾಗಿದ್ದು, ಸುಮಾರು 350 ಕೋಟಿ ರು ಕಲೆಕ್ಷನ್ ಮಾಡಿದೆ.