ಮಣಿರತ್ನಂ ಚಿತ್ರಕ್ಕಾಗಿ ತಮಿಳು ಕಲಿಯಲಿರುವ ಅದಿತಿ ರಾವ್ ಹೈದರಿ

ಚೆನ್ನೈ: ಖ್ಯಾತ ನಿರ್ದೇಶಕ ಮಣಿರತ್ನಂ ನಿರ್ದೇಶಿಸಲಿರುವ ಇನ್ನೂ ಹೆಸರಿಡಬೇಕಗಿರುವ ತಮಿಳು ಚಿತ್ರದಲ್ಲಿ ನಟಿಸಲು ನಟಿ ಅದಿತಿ ರಾವ್ ಹೈದರಿ ತಮಿಳು ಕಲಿಯಬೇಕಾಗಿ ಬಂದಿದೆ.

"ಚಿತ್ರೀಕರಣಕ್ಕೂ ಮೊದಲು ಅದಿತಿಯವರಿಗೆ ತಮಿಳು ಕಲಿಯಲು ನಿರ್ದೇಶಕ ಮಣಿರತ್ನಂ ಸೂಚಿಸಿದ್ದಾರೆ. ತಮ್ಮ ಭಾಗದ ಸಂಭಾಷಣೆಯನ್ನು ಅವರೇ ಡಬ್ ಮಾಡುತ್ತಾರೋ ಇಲ್ಲವೋ ತಿಳಿದಿಲ್ಲ, ಆದರೆ ನಟಿಸುವಾಗ ತುಟಿಯ ಚಲನೆ ನಿಖರಾವಾಗಿರಬೇಕೆಂಬುದು ಮಣಿರತ್ನಂ ಅವರ ಅಭಿಪ್ರಾಯ" ಎಂದು ಮೂಲಗಳು ತಿಳಿಸಿವೆ.

ಈ ಸಿನೆಮಾದ ಚಿತ್ರೀಕರಣ ಜುಲೈ ಅಂತ್ಯ ಅಥವಾ ಆಗಸ್ಟ್ ನಲ್ಲಿ ಪ್ರಾರಂಭವಾಗಲಿದೆ ಎಂದು ತಿಳಿದುಬಂದಿದೆ.

ಈ ಸಿನೆಮಾದಲ್ಲಿ ಕಾರ್ತಿ ಪೈಲಟ್ ಪಾತ್ರ ನಿರ್ವಹಿಸಿದ್ದು, ಎ ಆರ್ ರಹಮಾನ್ ಸಂಗೀತ ನೀಡಲಿದ್ದಾರೆ.

"ರಹಮಾನ್ ಅವರು ಟ್ಯೂನ್ ಗಳ ಮೇಲೆ ಈಗಾಗಲೇ ಕೆಲಸ ಪ್ರಾರಂಭಿಸಲಿದ್ದಾರೆ. ಒಂದು ಹಾಡು ಕೂಡ ಸಂಪೂರ್ಣಗೊಳಿಸಿರುವುದಾಗಿ ಹೇಳಿದ್ದಾರೆ" ಎಂದು ಮೂಲಗಳು ತಿಳಿಸಿವೆ.

ರವಿವರ್ಮನ್ ಛಾಯಾಗ್ರಹಣ ಮಾಡಲಿದ್ದು, ಮುಂದಿನ ವರ್ಷ ಈ ಸಿನೆಮಾ ಬಿಡುಗಡೆಯಾಗಲಿದೆ.