ವೀಕ್ಷಕರೆಡೆಗೆ ಕ್ಯಾಮೆರಾ ಎಸೆದ ಬಾಲಿವುಡ್ ನಟ ಅರ್ಜುನ್ ರಾಮ್ ಪಾಲ್: ಓರ್ವನಿಗೆ ಗಾಯ

ನವದೆಹಲಿ: ಬಾಲಿವುಡ್ ನಟ ಅರ್ಜುನ್ ರಾಮ್ ಪಾಲ್ ನೆರೆದಿದ್ದ ವೀಕ್ಷಕರೆಡೆದೆ ಕ್ಯಾಮೆರಾ ಎಸೆದ ಪರಿಣಾಮ ಓರ್ವ ಗಾಯಗೊಂಡಿರುವ ಘಟನೆ ನವದೆಹಲಿಯ ಫೈವ್ ಸ್ಟಾರ್ ಹೋಟೆಲ್ ನಲ್ಲಿ ನಡೆದಿದೆ.

ಶನಿವಾರ ರಾತ್ರಿ ಶಾನ್ ಗ್ರೀ ಲಾಸ್ ಇರೋಸ್ ಎಂಬ ಫೈವ್ ಸ್ಟಾರ್ ಹೋಟೆಲ್ ನಲ್ಲಿ  ಅರ್ಜುನ್ ರಾಮ್ ಪಾಲ್ ಡಿಜೆ ಜೊತೆ ಡ್ಯಾನ್ಸ್ ಮಾಡುತ್ತಿದ್ದರು. ಈ ವೇಳೆ ಫೋಟೋಗ್ರಾಪರ್ ಒಬ್ಬ ಅರ್ಜುನ್ ಅನುಮತಿಯಿಲ್ಲದೇ ಫೋಟೋ ಕ್ಲಿಕ್ಕಿಸಿದ್ದಾನೆ, ಇದರಿಂದ ಕೆಂಡಾಮಂಡಲವಾದ ಅರ್ಜುನ್ ಕ್ಯಾಮೆರಾ ಕಿತ್ತು ನೆರೆದಿದ್ದ ಪ್ರೇಕ್ಷಕರೆಡೆಗೆ ಎಸೆದಿದ್ದಾರೆ. ಇದರಿಂದ ಶೋಬಿತ್ ಎಂಬಾತ ಗಾಯಗೊಂಡಿದ್ದಾರೆ.

ಮಧ್ಯರಾತ್ರಿ ಸುಮಾರು3.30ರ ವೇಳೆಗೆ  ಘಟನೆ ನಡೆದಿದ್ದು, ನಾನು ಪೊಲೀಸರ ಬಳಿ ದೂರು ದಾಖಲಿಸಿದ್ದೇನೆ, ಆದರೆ ಇದುವರೆಗೂ ಪೊಲೀಸರು ಯಾವುದೇ ಕ್ರಮ ಕೈಗೊಂಡಿಲ್ಲ, ಎಫ್ ಐಆರ್ ಕೂಡ ದಾಖಲಿಸಿಲ್ಲ ಎಂದು ಶೋಬಿತ್ ಹೇಳಿದ್ದಾರೆ.