ನವದೆಹಲಿ: ಜನಪ್ರಿಯ ಗಾಯಕ ಸೋನು ನಿಗಮ್ ಇಂದು ಬೆಳಗ್ಗೆ ಮಾಡಿರುವ ಟ್ವೀಟ್ ಒಂದು ಎಲ್ಲರ ಆಕ್ರೋಶಕ್ಕೆ ಕಾರಣವಾಗಿದೆ. ಮುಸ್ಲಿಮರ ಮುಂಜಾನೆಯ ಪ್ರಾರ್ಥನೆ ಅಜಾನ್ ವಿರುದ್ಧ ಸೋನು ನಿಗಮ್ ಟ್ವಿಟ್ಟರ್ ನಲ್ಲಿ ಕಿಡಿಕಾರಿದ್ದಾರೆ.
ಒತ್ತಾಯ ಪೂರ್ವಕ ಧಾರ್ಮಿಕ ಆಚರಣೆಗಳು ಭಾರತದಲ್ಲಿ ಯಾವಾಗ ನಿಲ್ಲುತ್ತವೆ ಎಂದು ಟ್ಟೀಟ್ ಮಾಡಿರುವ ಸೋನು, ಎಲ್ಲರಿಗೂ ದೇವರ ಒಳ್ಳೆಯದು ಮಾಡಲಿ, ನಾನು ಮುಸ್ಲಿಂ ಅಲ್ಲ, ಅಜಾನ್ ಗೆ ನಾನು ಏಕೆ ಎಚ್ಚರಗೊಳ್ಳಲಿ ಎಂದು ಬರೆದಿದ್ದಾರೆ.
ಪ್ರವಾದಿ ಮೊಹಮ್ಮದ್ ಇಸ್ಲಾಂ ಧರ್ಮ ಸ್ಥಾಪಿಸಿದಾಗ ಎಲೆಕ್ಟ್ರಿಸಿಟಿ ಇರಲಿಲ್ಲ. ಎಡಿಸನ್ ನಿಂದ ಬಂದ ವಿದ್ಯುತ್ ಪ್ರವಾಹ ಬಂದಿದ್ದಾರೆ ನಾನ್ಯಾಕೆ ಈ ಇದನ್ನು ಸಹಿಸಲಿ ಎಂದು ಹೇಳಿದ್ದಾರೆ.
ಕೆಲವೊಂದು ಧರ್ಮಾತಿರೇಕಗಳು ಗೂಂಡಾಗಿರಿಗೆ ಸಮಾನವಾಗಿವೆ ಎಂದು ಟ್ವೀಟ್ ಮಾಡಿರುವ ಸೋನು ನಿಗಮ್, ಯಾವುದೇ ಗುರುದ್ವಾರ, ದೇವಾಲಯಗಳಲ್ಲಿ ಕರೆಂಟ್ ಬಳಸಿ ಎಚ್ಚರಿಸುವ ಪದ್ಧತಿ ನನಗೆ ಇಷ್ಟವಾಗುವುದಿಲ್ಲ ಎಂದು ಬರೆದುಕೊಂಡಿದ್ದಾರೆ.
ಸೋನು ನಿಗಮ್ ಅವರು ಈ ಟ್ವೀಟ್ ಭಾರಿ ಚರ್ಚೆಗೆ ಗ್ರಾಸವಾಗಿದ್ದು, ಸಾಮಾಜಿಕ ಮಾಧ್ಯಮದಲ್ಲಿ ಬಿರುಗಾಳಿ ಎಬ್ಬಿಸಿದೆ.
God bless everyone. I'm not a Muslim and I have to be woken up by the Azaan in the morning. When will this forced religiousness end in India
