ಅನುಷ್ಕಾ ಶರ್ಮ, ಪ್ರಿಯಾಂಕಾ ಚೋಪ್ರಾ, ಚಿತ್ರಾಂಗದಾ ಸಿಂಗ್ ಮೊದಲಾದ ಬಾಲಿವುಡ್ ನಟಿಯರು ಈಗಾಗಲೇ ಚಿತ್ರ ನಿರ್ಮಾಣಕ್ಕೆ ಕೈ ಹಾಕಿದ್ದಾರೆ. ಕಿರು ಚಿತ್ರಗಳ ಮೂಲಕ ಕನ್ನಡದಲ್ಲಿ ಶೃತಿ ಹರಿಹರನ್ ಮತ್ತು ರಚಿತಾ ರಾಮ್ ಕೂಡ ನಿರ್ಮಾಣಕ್ಕೆ ಪಾದಾರ್ಪಣೆ ಮಾಡಿದ್ದಾರೆ. ಇದೀಗ ಕನ್ನಡದಲ್ಲಿ ಅವರ ಸಾಲಿಗೆ ಹೊಸ ಸೇರ್ಪಡೆ ಶರ್ಮಿಳಾ ಮಂಡ್ರೆ. ಶರ್ಮಿಳಾ ಮಂಡ್ರೆ ಪ್ರೊಡಕ್ಷನ್ಸ್ ಎಂದು ಪ್ರೊಡಕ್ಷನ್ ಹೌಸ್ ಗೆ ಹೆಸರಿಡಲಿದ್ದು ಮುಂದಿನ ವರ್ಷ ಪ್ರಾಜೆಕ್ಟ್ ಗಳ ನಿರ್ಮಾಣ ಆರಂಭಿಸಲಿದ್ದಾರೆ.
