70ರ ದಶಕದಲ್ಲಿ ಒಟ್ಟಾಗಿ ಅಭಿನಯಿಸಿ ಬಾಕ್ಸ್ ಆಫೀಸ್ ಕೊಳ್ಳೆ ಹೊಡೆದಿದ್ದ ಸ್ಟಾರ್ ನಟನಾ ಜೋಡಿ ಕಮಲ್ ಹಾಸನ್ ಮತ್ತು ರಜನಿಕಾಂತ್ ಮತ್ತೊಮ್ಮೆ ಒಂದಾಗಿ ನಟಿಸುವ ಸಾಧ್ಯತೆ ಇದೆ.
1977ರ ಅವರಗಳ್ ಮತ್ತು 1979ರ ನಿನೈತಾಲೆ ಇನಿಕುಮ್ ಚಿತ್ರಗಳ ಭರ್ಜರಿ ಹಿಟ್ ಬಳಿಕ ಈ ಜೋಡಿ ಮುಂದೆ ಒಟ್ಟಾಗಿ ನಟಿಸಲಿಲ್ಲ. ಅಲ್ಲಿಂದ ಇಬ್ಬರ ನಡುವೆ ಸ್ಟಾರ್ ಗಿರಿ ಏರ್ಪಟಿತ್ತು.
ಇತ್ತೀಚೆಗಷ್ಟೇ ಸುದ್ದಿಗೋಷ್ಠಿ ನಡೆಸಿದ್ದ ಉಳಗನಾಯಗನ್ ಕಮಲ್ ಹಾಸನ್ ಅವರು ನಿರ್ದೇಶಕರು ರಜನಿ ಮತ್ತು ನನಗೆ ಸಮಾನ ಅರ್ಹತೆ ಇರುವ ಪಾತ್ರವನ್ನು ನೀಡಿದರೇ ರಜನಿ ಜತೆ ಅಭಿನಯಿಸಲು ನನ್ನದು ಏನು ಅಭ್ಯಂತರವಿಲ್ಲ ಎಂದರು ಹೇಳಿದರು.
ಅವರೊಂದಿಗೆ ನಟಿಸುವುದು ಹೊಸದೇನಲ್ಲ. ಇದಕ್ಕೂ ಮೊದಲು ನಾವು ಜತೆಯಾಗಿ ಅಭಿನಯಿಸಿದ್ದೇವೆ. ಒಂದೇ ಚಿತ್ರದಲ್ಲಿ ಅಭಿನಯಿಸಲು ನಮ್ಮಿಬ್ಬರನ್ನು ಎಷ್ಟು ಜನ ಕೇಳಿದ್ದಾರೆ? ನಮ್ಮ ಘನತೆಗೆ ತಕ್ಕಂತೆ ಸಂಭಾವನೆ ನೀಡಿದರೆ ಅಂತಹ ಚಿತ್ರದಲ್ಲಿ ನಾನು ಅಭಿನಯಿಸುತ್ತೇನೆ ಎಂದರು.
