೫೦ ದಿನಗಳ ಪ್ರದರ್ಶನ ಪೂರೈಸಿದ 'ಬಾಹುಬಲಿ೨'; ಗಳಿಕೆಯಲ್ಲಿ ಇನ್ನೂ ಮುಂಚೂಣಿ!

ಚೆನ್ನೈ: ನಿರ್ದೇಶಕ ಎಸ್ ಎಸ್ ರಾಜಮೌಳಿ ಅವರ 'ಬಾಹುಬಲಿ೨: ಅಂತ್ಯ' ಶುಕ್ರವಾರಕ್ಕೆ ೫೦ ದಿನಗಳನ್ನು ಪೂರೈಸಿದ ಸಂಭ್ರಮದಲ್ಲಿದೆ. ದೇಶದಾದ್ಯಂತ ಇನ್ನು ೧೦೦೦ ತೆರೆಗಳಲ್ಲಿ ತುಂಬಿದ ಪ್ರದರ್ಶನ ಕಾಣುತ್ತಿರುವುದು ವಿಶೇಷ. 

ಈ ಸಂಭ್ರಮದ ಆಚರಣೆಗೆ ವಿಶೇಷ ಪೋಸ್ಟರ್ ಒಂದನ್ನು ಬಿಡುಗಡೆ ಮಾಡಿರುವ ನಿರ್ಮಾಪಕರು, ದೇಶದಾದ್ಯಂತ ೫೦ನೆಯ ದಿನ ೧೦೫೦ ತೆರೆಗಳಲ್ಲಿ ಪ್ರದರ್ಶನ ಕಾಣುತ್ತಿರವುದಾಗಿ ತಿಳಿಸಿದ್ದಾರೆ. 

ಜಾಗತಿಕವಾಗಿ ೨೦೦೦ಕೋಟಿಗೂ ಹೆಚ್ಚು ಗಳಿಕೆ ಕಂಡಿರುವ 'ಬಾಹುಬಲಿ೨', ಭಾರತೀಯ ಚಿತ್ರರಂಗದ ಹಲವು ದಾಖಲೆಗಳನ್ನು ಮುರಿದಿರುವುದು ವಿಶೇಷ. 

ಪ್ರಭಾಸ್, ರಾಣಾ ದಗ್ಗುಬಾಟಿ, ಅನುಷ್ಕಾ ಶೆಟ್ಟಿ ನಟಿಸಿರುವ ಈ ಸಿನೆಮಾ ತೆಲುಗು, ಹಿಂದಿ, ತಮಿಳು ಮತ್ತು ಮಲಯಾಳಂ ಭಾಷೆಗಳಲ್ಲಿ ಬಿಡುಗಡೆಯಾಗಿದೆ.