ಬಾಹುಬಲಿಗಾಗಿ 6 ಸಾವಿರ ಮದುವೆ ಪ್ರಸ್ತಾಪ ರಿಜೆಕ್ಟ್ ಮಾಡಿದ್ದ ಪ್ರಭಾಸ್!

ಇಂದು ವಿಶ್ವದಾದ್ಯಂತ ಬಾಹುಬಲಿ 2 ಚಿತ್ರ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಈ ಚಿತ್ರದ ಮೂಲಕ ಪ್ರಭಾಸ್ ತಮ್ಮ ಖದರ್ ಅನ್ನು ತೋರಿಸಿದ್ದಾರೆ. ಮತ್ತೊಂದು ಅಚ್ಚರಿ ವಿಷಯ ಎಂದರೇ ಪ್ರಭಾಸ್ ಬಾಹುಬಲಿ ಶೂಟಿಂಗ್ ನಿಂದಾಗಿ ಕಳೆದ ಐದು ವರ್ಷದಲ್ಲಿ ಸರಿಸುಮಾರು 6 ಸಾವಿರ ಮದುವೆ ಪ್ರಸ್ತಾಪವನ್ನು ರಿಜೆಕ್ಟ್ ಮಾಡಿದ್ದಾರಂತೆ. 

ಬಾಹುಬಲಿ ಶೂಟಿಂಗ್ ನಲ್ಲಿ ಮುಳುಗಿ ಹೋಗಿದ್ದ ಪ್ರಭಾಸ್ ತಮಗೆ ಬಂದ ಸಾಲು ಸಾಲು ಮದುವೆ ಪ್ರಪೋಸಲ್ ಗಳನ್ನು ತಿರಸ್ಕರಿಸಿದ್ದಾರಂತೆ. ಅಲ್ಲದೆ ಚಿತ್ರಕ್ಕಾಗಿ ಮದುವೆ ಯೋಜನೆಯನ್ನೂ ಮುಂದೂಡಿದರಂತೆ ಪ್ರಭಾಸ್. 

ಕಳೆದ ತಿಂಗಳ ಏಪ್ರಿಲ್ 28ರಂದು ಬಿಡುಗಡೆಯಾಗಿದ್ದ ಬಾಹುಬಲಿ 2 ಚಿತ್ರ ವಿಶ್ವದಾದ್ಯಂತ ಭರ್ಜರಿ ಪ್ರದರ್ಶನ ಕಾಣುತ್ತಿದೆ. ಬಾಹುಬಲಿ 2 ಚಿತ್ರ ಭಾರತದ ಬಾಕ್ಸ್ ಆಫೀಸ್ ದಾಖಲೆಗಳನ್ನೆಲ್ಲಾ ಧೂಳಿಪಟ ಮಾಡಿದೆ. ಜಗತ್ತಿನಾದ್ಯಂತ 9 ಸಾವಿರ ಸ್ಕ್ರೀನ್ ಗಳಲ್ಲಿ ಬಿಡುಗಡೆಯಾಗಿದ್ದ ಚಿತ್ರ ಇನ್ನೇರಡು ದಿನಗಳಲ್ಲಿ 1000 ಕೋಟಿ ಕ್ಲಬ್ ಸೇರಲಿದೆ.