ಕ್ರೈಸ್ಟ್ ಕಾಲೇಜಿನಲ್ಲಿ ಚೈತನ್ಯ ನನಗೆ ಹಿರಿಯ ವಿದ್ಯಾರ್ಥಿಯಾಗಿದ್ದರು ಎಂದು ತಿಳಿಸುವ ಶ್ರುತಿ ಕೆಲವು ವರ್ಷಗಳಿಂದ ಅವರ ಕೆಲಸಗಳನ್ನು ಅನುಸರಿಸುತ್ತಿರುವುದಾಗಿ ತಿಳಿಸುತ್ತಾರೆ. 'ಆ ದಿನಗಳು', 'ಆಟಗಾರ' ಸಿನೆಮಾಗಳ ನಿರ್ದೇಶಕ ಮಾಮೂಲಿತನ ಮುರಿಯುತ್ತಾರೆ ಎನ್ನುವ ಅವರು "ನನಗೆ ಅವರ ಬಗ್ಗೆ ಈ ವಿಷಯ ಇಷ್ಟ. ಇತರ ಸಿನೆಮಾಗಳಿಂದ ಸ್ಫೂರ್ತಿ ಪಡೆದಿದ್ದರೂ, ಅವರು ಆಯ್ಕೆ ಮಾಡಿಕೊಳ್ಳುವ ವಿಷಯ ಮತ್ತು ಅವುಗಳಿಗೆ ತಮ್ಮದೇ ರೀತಿಯಲ್ಲಿ ಜೀವ ತುಂಬವ ರೀತಿ ನನಗೆ ಬಹಳ ಇಷ್ಟ. ಅದಕ್ಕೆ ಅತ್ಯುತ್ತಮ ಉದಾಹರಣೆ ಅವರ ಹಿಂದಿನ ಸಿನೆಮಾ 'ಆಟಗಾರ'" ಎನ್ನುತ್ತಾರೆ.