ಚಮಕ್ ಗೆ ಸಿಗಲಿದೆಯೇ ಮುಂಗಾರು ಮಳೆಯ ಲಕ್?

ಬೆಂಗಳೂರು: ಡಿಸೆಂಬರ್ 29, 2006 ನಟ ಗಣೇಶ್ ಅವರಿಗೆ ಅದೃಷ್ಟದ ದಿನವಾಗಿತ್ತು. ಅಂದು ಅವರ ಮುಂಗಾರು ಮಳೆ ಸಿನಿಮಾ ಬಿಡುಗಡೆಯಾಗಿತ್ತು. ಗಣೇಶ್ ಅವರಿಗೆ ದೊಡ್ಡ ಬ್ರೇಕ್ ಸಿಕ್ಕಿದ ಚಿತ್ರ ಕೂಡ ಹೌದು. ಅಲ್ಲಿಂದ ಗಣೇಶ್ ಗೋಲ್ಡನ್ ಸ್ಟಾರ್ ಆಗಿ ಬದಲಾದರು.

ಇದೀಗ 11 ವರ್ಷಗಳ ನಂತರ ಗಣೇಶ್ ಅವರ ಚಮಕ್ ಚಿತ್ರ ಅದೇ ತಾರೀಖಿನಂದು ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಸುನಿ ನಿರ್ದೇಶನದ ಚಮಕ್ ಚಿತ್ರದಲ್ಲಿ ಸ್ತ್ರೀರೋಗ ತಜ್ಞರಾಗಿ ನಟಿಸಿದ್ದಾರೆ. ಗಣೇಶ್ ಗೆ ಜೋಡಿಯಾಗಿ ರಶ್ಮಿಕಾ ಮಂದಣ್ಣ ಅಭಿನಯಿಸಿದ್ದಾರೆ. 

ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿರುವ ಚಮಕ್ ಸೆನ್ಸಾರ್ ಮಂಡಳಿಯಿಂದ ಒಪ್ಪಿಗೆ ಸಿಗಬೇಕಾಗಿರುವುದರಿಂದ ಚಿತ್ರ ಬಿಡುಗಡೆ ದಿನಾಂಕವನ್ನು ಪ್ರೊಡಕ್ಷನ್ ಹೌಸ್ ಮತ್ತು ನಿರ್ದೇಶಕರಿಗೆ ನಿರ್ಧರಿಸಲು ಸಾಧ್ಯವಿಲ್ಲ. ಆದರೂ ಡಿಸೆಂಬರ್ 29ರಂದು ಬಿಡುಗಡೆ ಮಾಡಲು ಚಿತ್ರತಂಡ ಪ್ರಯತ್ನಿಸುತ್ತಿದೆ ಎಂದು ಮೂಲಗಳು ತಿಳಿಸಿವೆ. 

ಜುಡ್ಹಾ ಸಾಂಡಿ ಅವರ ಸಂಗೀತವಿರುವ ಚಿತ್ರಕ್ಕೆ ಸಂತೋಷ್ ರಾಜ್ ಪಾತಾಜೆ ಛಾಯಾಗ್ರಹಣವಿದೆ.