ಈ ವಾರ ಬಿಡುಗಡೆಯಾಗುತ್ತಿರುವ ಹುಚ್ಚ 2 ಚಿತ್ರದ ಬಗ್ಗೆ ಪ್ರೇಕ್ಷಕರ ಪ್ರತಿಕ್ರಿಯೆಗಾಗಿ ಕಾಯುತ್ತಿರುವ ಮದರಂಗಿ ಖ್ಯಾತಿಯ ಡಾರ್ಲಿಂಗ್ ಕೃಷ್ಣ ಇದರಲ್ಲಿ ತಾಂತ್ರಿಕ ಕೆಲಸವನ್ನು ಕೂಡ ನಿರ್ವಹಿಸಿದ್ದಾರೆ. ಈ ಸಂದರ್ಭದಲ್ಲಿ ಚೆನ್ನೈಯಿಂದ ಸಿಟಿ ಎಕ್ಸ್ ಪ್ರೆಸ್ ಗೆ ದೂರವಾಣಿ ಮೂಲಕ ಮಾತನಾಡಿರುವ ಡಾರ್ಲಿಂಗ್ ಕೃಷ್ಣ.
ನಟನಾಗಿ ಬರುವ ಮುನ್ನ ನಿರ್ದೇಶಕ ಸೂರಿಯವರ ಜೊತೆ ಸಹಾಯಕರಾಗಿ ಕೆಲಸ ಮಾಡಿದ್ದ ಡಾರ್ಲಿಂಗ್ ಕೃಷ್ಣ ಅಂದು ಕಲಿತ ತಾಂತ್ರಿಕ ಕೌಶಲ್ಯ ಇಂದು ಸಹಾಯಕ್ಕೆ ಬಂದಿದೆ ಎನ್ನುತ್ತಾರೆ. ಓಂ ಪ್ರಕಾಶ್ ರಾವ್ ನಿರ್ದೇಶನದ ಹುಚ್ಚ2 ನ ಪೋಸ್ಟ್ ಪ್ರೊಡಕ್ಷನ್ ಕೆಲಸ ಮತ್ತು ಥಿಯೇಟರ್ ನಲ್ಲಿ ಬಿಡುಗಡೆಯ ಉಸ್ತುವಾರಿ ವಹಿಸಿಕೊಂಡಿದ್ದಾರೆ.
ಸುಮಾರು 50 ವರ್ಷ ವಯಸ್ಸಿನ ನಿರ್ದೇಶಕ ಓಂ ಪ್ರಕಾಶ್ ಅವರಿಗೆ ಚಿತ್ರದ ಪ್ರಚಾರ, ಬಿಡುಗಡೆಗೆ ಓಡಾಟ ನಡೆಸಲು ಸಾಧ್ಯವಿಲ್ಲ. ನಾನು ಹುಚ್ಚ-2ಗೆ ಸಹ ನಿರ್ದೇಶಕನಾಗಿ ಕೆಲಸ ಮಾಡಿದ್ದೇನೆ. ನನಗೆ ಆ ಕೆಲಸ ಗೊತ್ತಿರುವುದರಿಂದ ಕಷ್ಟವಾಗಲಿಲ್ಲ. ಹುಚ್ಚ2 ಶೀರ್ಷಿಕೆ ಕೂಡ ಆಕರ್ಷಕವಾಗಿದೆ. 17 ವರ್ಷಗಳ ಹಿಂದೆ ಹುಚ್ಚ ಸಿನಿಮಾವನ್ನು ಓಂ ಪ್ರಕಾಶ್ ರಾವ್ ನಿರ್ದೇಶನ ಮಾಡಿದ್ದರು. ಆ ಚಿತ್ರದ ಮೂಲಕ ಸುದೀಪ್ ತುಂಬಾ ಜನಪ್ರಿಯರಾದರು. ಆ ಚಿತ್ರದ ಯಶಸ್ಸಿನ ನಿರೀಕ್ಷೆ ಇದೀಗ ಹುಚ್ಚ2 ಮೇಲಿದೆ. ಈ ಚಿತ್ರದ ಮೇಲೆ ಸೆಂಟಿಮೆಂಟ್ ಸೇರಿಕೊಂಡಿದೆ, ಈ ಚಿತ್ರ ಕೂಡ ನನ್ನ ವೃತ್ತಿಬದುಕಿನಲ್ಲಿ ಬದಲಾವಣೆ ತರುವ ನಿರೀಕ್ಷೆಯಿದೆ ಎನ್ನುತ್ತಾರೆ.
Advertisement