ಚೆನ್ನೈ: ತಮಿಳು ಸೂಪರ್‌ ಸ್ಟಾರ್‌ ರಜನಿಕಾಂತ್ ಅವರ ಎರಡನೇ ಪುತ್ರಿ, ನಿರ್ದೇಶಕಿ ಸೌಂದರ್ಯ ಅವರು ಎರಡನೇ ಮದುವೆಯಾಗಲು ಸಿದ್ಧತೆ ನಡೆಸಿದ್ದು, ಮುಂದಿನ ವರ್ಷ ಮತ್ತೆ ವಿವಾಹ ಬಂಧನಕ್ಕೆ ಒಳಗಾಗಲಿದ್ದಾರೆ.
ವರದಿಗಳ ಪ್ರಕಾರ, ಸೌಂದರ್ಯ ಅವರು ಇತ್ತೀಚಿಗೆ ಉದ್ಯಮಿ ಹಾಗೂ ನಟ ವಿಷಹಾನ್‌ ವನಾಂಗಮುಡಿ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದು, ಈ ವೇಳೆ ಕುಟುಂಬ ಸದಸ್ಯರು ಮಾತ್ರ ಹಾಜರಿದ್ದರು ಎನ್ನಲಾಗಿದೆ.
ವಿಷಹನ್‌ ವನಾಂಗಮುಡಿಗೆ ಇದು ಎರಡನೇ ಮದುವೆಯಾಗಿದ್ದು, ಮುಂದಿನ ಜನವರಿಯಲ್ಲಿ ಇವರ ವಿವಾಹ ನಡೆಯುವ ಸಾಧ್ಯತೆ ಇದೆ.
ರಜನಿ ಪುತ್ರಿ ಸೌಂದರ್ಯ ಅವರು ಏಳು ವರ್ಷಗಳ ಹಿಂದೆ ಅಶ್ವಿನ್‌ ರಾಮ್ ಕುಮಾರ್‌ ಅವರು ಮದುವೆಯಾಗಿದ್ದರು. 2016ರಲ್ಲಿ ಇಬ್ಬರೂ ವಿವಾಹ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು. ಇಬ್ಬರು ಪರಸ್ಪರ ಒಪ್ಪಿಕೊಂಡ ಬಳಿಕ ಕಳೆದ ವರ್ಷ ವಿಚ್ಛೇದ ಪಡೆದಿದ್ದರು.
ಸೌಂದರ್ಯ, ಅಶ್ವಿನ್‌ ಅವರ ಐದು ವರ್ಷದ ಮಗು ವೇದ ಕೃಷ್ಣ ಈಗ ಸೌಂದರ್ಯ ಬಳಿಯೇ ಇದೆ.
