ಶುಭಾಶಯ ಕೋರಲು ಮಾತ್ರ ಟ್ವಿಟರ್​ ಬಳಸುತ್ತೇನೆ: ನಟ ಜಗ್ಗೇಶ್

ಬೆಂಗಳೂರು: ಸದಾಕಾಲ ಟ್ವಿಟರ್ ನಲ್ಲಿ ಸಕ್ರಿಯಗಿರುತ್ತಿದ್ದ ನವರಸನಾಯಕ ಜಗ್ಗೇಶ್​ ಇದೀಗ ಟ್ವಿಟರ್ ನಿಂದ ದೂರ ಉಳಿಯಲು ನಿರ್ಧರಿಸಿದ್ದಾರೆ.

ಇನ್ನು ಮುಂದೆ ತಾವು ಸ್ನೇಹಿತರಿಗೆ ಶುಭಾಶಯ ಕೋರಲು ಮಾತ್ರ ಟ್ವಿಟರ್ ಬಳಕೆ ಮಾಡುವುದಾಗಿ ಜಗ್ಗೇಶ್ ಹೇಳಿಕೊಂಡಿದ್ದಾರೆ.

ಈ ಬಗ್ಗೆ ಟ್ವೀಟ್ ಮಾಡಿರುವ ಅವರು, ಇನ್ನು ಮುಂದೆ ತಮ್ಮ ಟ್ವಿಟರ್​ನಲ್ಲಿ ಬೇರೆ ವಿಚಾರಗಳ ಬಗ್ಗೆ ಮಾತನಾಡುವುದಿಲ್ಲ. ನನ್ನ ಪ್ರೀತಿ ಪಾತ್ರರಿಗೆ ಶುಭಾಶಯ ಕೋರಲು ಮಾತ್ರ ಟ್ವೀಟ್​ ಮಾಡುತ್ತೇನೆ. ಆಧುನಿಕತೆ ದಿಕ್ಕುತಪ್ಪಿದೆ. ವಯಸ್ಸು ಮಾಗುತ್ತಿದೆ. ಹೊಸತನ ಕಲಿಯಲು ಮನಸು ಬಯಸುತ್ತಿದೆ. ಲೋಕದ ಡೊಂಕಿಗಿಂತ ನಮ್ಮ ಬದುಕಿನ ಮೇಲೆ ಗಮನ ಹರಿಸುವ ಎಂದು ಟ್ವಿಟರ್​ ನಲ್ಲಿ ಬರೆದುಕೊಂಡಿದ್ದಾರೆ.

ಸಂಸ್ಕೃತ ಶ್ಲೋಕ, ನುಡಿಗಟ್ಟುಗಳ ಮೂಲಕ ತಮ್ಮದೇ ಶೈಲಿಯಲ್ಲಿ ಟ್ವೀಟ್​ ಮಾಡುತ್ತಿದ್ದ ಜಗ್ಗೇಶ್. ಲೋಕದ ಆಗುಹೋಗುಗಳ ಬಗ್ಗೆಯೂ ವಿಶೇಷ ರೀತಿಯಲ್ಲಿ ತಮ್ಮ ಕಾಮೆಂಟ್​ ಮಾಡುತ್ತಿದ್ದರು. ಇತ್ತೀಚೆಗೆ ಶಬರಿಮಲೆ ಪ್ರವೇಶಿಸಲು ಮುಂದಾಗಿದ್ದ ರೆಹಾನಾ ಫಾತಿಮಾ ವಿರುದ್ಧ ಟ್ವಿಟರ್​ನಲ್ಲಿ ಕಿಡಿ ಕಾರಿದ್ದ ಜಗ್ಗೇಶ್ ಇದೀಗ ಟ್ವಿಟರ್ ನಿಂದಲೇ ದೂರವಿರುವ ಕುರಿತು ನಿರ್ಧರಿಸಿದ್ದಾರೆ.