ಭರ್ಜರಿ ಯಶಸ್ಸು ಕಂಡಿದ್ದ ‘ವಿಕ್ಟರಿ’ ಚಿತ್ರದ ಸೀಕ್ವೆಲ್ ಆಗಿ ‘ವಿಕ್ಟರಿ 2’ ಸಿದ್ಧವಾಗಿದೆ. ‘ವಿಕ್ಟರಿ ಮೊದಲ ಭಾಗಕ್ಕೆ ನವರಸ ನಾಯಕ ಜಗ್ಗೇಶ್ ಹಿನ್ನೆಲೆ ಧ್ವನಿ ನೀಡಿದ್ದರೆ, ಅದರ ಮುಂದುವರೆದ ಭಾಗ ವಿಕ್ಟರ್ -2 ಚಿತ್ರಕ್ಕೆ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಹಿನ್ನೆಲೆ ಧ್ವನಿ ನೀಡಿದ್ದಾರೆ.
ಬ್ಯಾರಿಟೋನ್ ಧ್ವನಿ ಮೂಲಕ ಯುವ ಜನಾಂಗದ ಐಕಾನ್ ಆಗಿ ಧ್ರುವ ಸರ್ಜಾ ಹೆಸರಾಗಿದ್ದಾರೆ. ಈ ಹಿನ್ನೆಲೆಯಲ್ಲಿ ಭರ್ಜರಿ ನಾಯಕನ ಧ್ವನಿಯನ್ನು ವಿಕ್ಟರ್ -2 ಚಿತ್ರಕ್ಕೆ ಬಳಸಿಕೊಳ್ಳಲಾಗಿದೆ.
ಈ ಚಿತ್ರದ ಪ್ರಮುಖ ಸನ್ನಿವೇಶಗಳನ್ನು ಪ್ರೇಕ್ಷಕರು ಧ್ರುವ ಧ್ವನಿಯ ಮೂಲಕ ಸವಿಯಲಿದ್ದಾರೆ. ಅಂದರೆ, ಪಾತ್ರಗಳ ಪರಿಚಯ, ದೃಶ್ಯಗಳ ಹಿನ್ನೆಲೆ ಮುಂತಾದವನ್ನು ಧ್ರುವ ವಿವರಿಸಲಿದ್ದಾರಂತೆ.
ಶರಣ್ ನಾಯಕ ನಟನಾಗಿ ಅಭಿನಯಿಸುತ್ತಿರುವ ಈ ಚಿತ್ರಕ್ಕೆ ತರುಣ್ ಸುಧೀರ್ ಹಾಗೂ ತರುಣ್ ಶಿವಪ್ಪ ನಿರ್ಮಾಪಕರಾಗಿದ್ದಾರೆ. ಅರ್ಜುನ್ ಜನ್ಯಾ ಸಂಗೀತ ಸಂಯೋಜಿಸುತ್ತಿದ್ದು, ಧ್ರುವ ಸರ್ಜಾ ಕೂಡಾ ಚಿತ್ರದ ಭಾಗವಾಗಿದ್ದಾರೆ.
ಬಿ-ಟೌನ್ ಹಿರೋಹಿನ್ ಅಸ್ಮಿತಾ ಸೂದ್, ಅಪೂರ್ವ ಮತ್ತಿತರ ತಾರಾಗಣವಿರುವ ಈ ಚಿತ್ರವನ್ನು ಹರಿ ಸಂತೋಷ್ ನಿರ್ದೇಶಿಸಿದ್ದು, ನವೆಂಬರ್ 1 ರಂದು ಬಿಡುಗಡೆಗೊಳ್ಳಲಿದೆ.
Advertisement