ಕೈತುಂಬಾ ಸಿನಿಮಾ ಆಫರ್ ಗಳಿದ್ದರೂ ನಟಿ ಸುಮನ್ ರಂಗನಾಥ ಕಿರುತೆರೆ ಪ್ರಾಜೆಕ್ಟ್ ಗೆ ಸಹಿ ಮಾಡಿದ್ದಾರೆ, ತೋತಾಪುರಿ ಸಿನಿಮಾದಲ್ಲಿ ನಟಿಸುತ್ತಿರುವ ಸುಮನ್ ರಿಯಾಲಿಟಿ ಶೋ ನ ಜಡ್ಜ್ ಆಗಿ ಕೆಲಸ ಮಾಡುತ್ತಿದ್ದಾರೆ.
ರವಿಚಂದ್ರನ್ ಜೊತೆ ರಿಯಾಲಿಟಿ ಶೋ ತಕಧಿಮಿತ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ, ಇವರ ಜೊತೆ ಅನುರಾಧಾ ಕೂಡ ಭಾಗವಹಿಸಿದ್ದಾರೆ.
ಕಲರ್ಸ್ ಕನ್ನಡದಲ್ಲಿ ಈ ಶೋ ಪ್ರಸಾರವಾಗಲಿದೆ, ನಾನು ಕಿರುತೆರೆಯಲ್ಲಿ ಕಾಣಿಸಿಕೊಂಡು ಸುಮಾರು ಒಂದು ದಶಕವೇ ಕಳೆದಿದೆ, ಈ ಹಿಂದೆಯೂ ನಾನು ಜಡ್ಜ್ ಆಗಿ ಭಾಗವಹಿಸಿದ್ದೆ,
ವಿಜಯಪ್ರಸಾದ್ ನಿರ್ದೇಶನದ ತೋತಾಪುರಿ ಸಿನಿಮಾದಲ್ಲಿ 45 ದಿನಗಳ ಶೂಟಿಂಗ್ ಇದೆ, ಈಗಾಗಲೇ 30 ದಿನಗಳ ಶೂಟಿಂಗ್ ಮುಗಿದಿದೆ, ಇನ್ನೂ ಹಲವು ಭಾಗದ ಶೂಟಿಂಗ್ ಬಾಕಿಯಿದೆ,
ಈಗಾಗಲೇ ಸುಮನ್ ಹೇಮಂತ್ ರಾವ್ ಅವರ ಕವಲುದಾರಿ ಮತ್ತು ದಂಡುಪಾಳ್ಯ4 ಸಿನಿಮಾದಲ್ಲಿ ನಟಿಸಿದ್ದಾರೆ.
