ಬೆಂಗಳೂರು: ಸೋಮವಾರ ಗಣೇಶ ಚತುರ್ಥಿಯ ಸಂಭ್ರದಲ್ಲಿದ್ದ ಹಲವು ಪ್ರೇಕ್ಷಕರು ಕಿಚ್ಚ ಸುದೀಪ್ ಹುಟ್ಟಹಬ್ಬ ಸಮಾರಂಭದಲ್ಲಿಯೂ ಪಾಲ್ಗೊಂಡಿದ್ದರು.
ಅಭಿನಯ ಚಕ್ರವರ್ತಿ ಸುದೀಪ್ ತಮ್ಮ ಹುಟ್ಟುಹಬ್ಬವನ್ನು ಸರಳವಾಗಿ ಆಚರಿಸಿಕೊಂಡಿದ್ದಾರೆ, ಸೆಪ್ಟಂಬರ್ 12 ರಂದು ರಿಲೀಸ್ ಆಗಲಿರುವ ಪೈಲ್ವಾನ್ ಸಿನಿಮಾಗಾಗಿ ಅಂತಿಮ ಹಂತದ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ, ಪೈಲ್ವಾನ್ ಸಿನಿಮಾ ಕನ್ನಡ, ತೆಲುಗು ಮತ್ತು ಹಿಂದಿ ಭಾಷೆಗಳಲ್ಲಿ ರಿಲೀಸ್ ಆಗಲಿದೆ.
ಎಸ್ ಕೃಷ್ಣ ನಿರ್ದೇಶನದ ಪೈಲ್ವಾನ್ ಸಿನಿಮಾಗೆ ವಿವಿಧ ಸೆಲೆಬ್ರಿಟಿಗಳು ಬೆಂಬಲ ನೀಡಿದ್ದಾರೆ, ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಪೈಲ್ವಾನ್ ಆಡಿಯೋ ರಿಲೀಸ್ ಮಾಡಿದ್ದರೇ, ರಮೇಶ್ ಅರವಿಂದ್ ಸಿನಿಮಾದ ಆರಂಭದಲ್ಲಿ ಹಿನ್ನಲೆ ಧ್ವನಿ ನೀಡಿದ್ದಾರೆ,
ಪೈಲ್ವಾನ್ ಸಿನಿಮಾದಲ್ಲಿ ಬರುವ ಕುಸ್ತಿ ಬಗ್ಗೆ ರಮೇಶ್ ಅರವಿಂದ್ ಸಿನಿಮಾ ಪ್ರಾರಂಭದಲ್ಲಿ ವಿವರಣೆ ನೀಡಿದ್ದಾರೆ, ಕನ್ನಡ ವರ್ಸನ್ ಗೆ ಮಾತ್ರ ರಮೇಶ್ ಅರವಿಂದ್ ಹಿನ್ನಲೆ ಧ್ವನಿ ನೀಡಿದ್ದಾರೆ, ಶನಿವಾರ ರೆಕಾರ್ಡಿಂಗ್ ನಲ್ಲಿ ರಮೇಶ್ ಭಾಗವಹಿಸಿದ್ದರು.
Advertisement