ಫಾಸ್ಟ್ ಅಂಡ್ ಫ್ಯೂರಿಸ್ 9 ಚಿತ್ರೀಕರಣ ವೇಳೆ ಭೀಕರ ಘಟನೆ, ಕೋಮಾಗೆ ಜಾರಿದ ಸ್ಟಂಟ್ ಮ್ಯಾನ್!

ಫಾಸ್ಟ್ ಅಂಡ್ ಫ್ಯೂರಿಸ್ ಸೀರಿಸ್ ಚಿತ್ರಗಳಲ್ಲಿ ಹಾಲಿವುಡ್ ಸಂಚಲನ ಸೃಷ್ಟಿಸಿದ್ದವು ಇದೀಗ ಇದೇ ಮುಂದುವರೆದ ಭಾಗದ ಚಿತ್ರೀಕರಣ ವೇಳೆ ಸಂಭವಿಸಿದ ಭೀಕರ ಅಪಘಾತದಲ್ಲಿ ಸ್ಟಂಟ್ ಮ್ಯಾನ್ ಕೋಮಾಗೆ ಜಾರಿದ್ದಾರೆ.

ಫಾಸ್ಟ್ ಅಂಡ್ ಫ್ಯೂರಿಸ್ 9 ಚಿತ್ರದ ಚಿತ್ರೀಕರಣದ ನಟ ವಿನ್ ಡೀಸೆಲ್ ಅವರ ಡೂಪ್ ಜೋ ವಾಟ್ಸ್ ಸಾಹಸ ಚಿತ್ರೀಕರಣದ ವೇಳೆ 30 ಅಡಿಗಳ ಎತ್ತರದಿಂದ ಕೆಳಗೆ ಬಿದ್ದಿದ್ದು ತಲೆಗೆ ಗಂಭೀರ ಗಾಯವಾಗಿದ್ದು ಸದ್ಯ ಕೋಮಾಗೆ ಜಾರಿದ್ದಾರೆ.

ದಕ್ಷಿಣ ಇಂಗ್ಲೆಂಡ್ ನ ಲೀವ್ಸ್ ಡೆನ್ ನಲ್ಲಿರುವ ವಾರ್ನರ್ ಬ್ರದರ್ಸ್ ಸ್ಟುಡಿಯೋಸ್ ನಲ್ಲಿ ಶೂಟಿಂಗ್ ನಡೆಯುತ್ತಿದ್ದಾಗ ಈ ಘಟನೆ ನಡೆದಿದೆ. ಗಂಭೀರವಾಗಿ ಗಾಯಗೊಂಡಿರುವ ಜೋ ವಾಟ್ಸ್ ರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು ಜೀವಪಾಯವಿಲ್ಲ ಎಂದು ವೈದ್ಯರು ತಿಳಿಸಿದ್ದಾರೆ.