ಯಾರದೋ ದೇಹಕ್ಕೆ ನಟಿಯ ತಲೆ ಅಂಟಿಸಿ ಪೋಸ್ಟ್: ಗರಂ ಆದ 'ನಟಸಾರ್ವಭೌಮ' ಬೆಡಗಿ ಅನುಪಮಾ ಪರಮೇಶ್ವರನ್
ಅನುಪಮಾ ಪರಮೇಶ್ವರನ್ ಬಹುಭಾಷಾ ನಟಿ, ಕನ್ನಡದಲ್ಲಿ ಪುನೀತ್ ರಾಜ್ ಕುಮಾರ್ ಅವರ "ನಟಸಾರ್ವಭೌಮ" ಚಿತ್ರದಲ್ಲಿ ಅಭಿನಯಿಸಿದ ಈ ನಟಿಗೆ ಇದೀಗ ತಡೆಯಲಾಗದಷ್ಟು ಕೋಪ ಬಂದಿದೆ. ಇದಕ್ಕೆ ಕಾರಣವೆಂದರೆ ಅವರ ಫೇಸ್ಬುಕ್ ಖಾತೆ ಹ್ಯಾಕ್ ಆಗಿರುವುದು. ಮಾತ್ರವಲ್ಲ ಕಿಡಿಗೇಡಿಗಳು ಮಾರ್ಫ್ ಮಾಡಿದ ಫೋಟೋಗಳನ್ನು ಆಕೆಯ ಖಾತೆಯಲ್ಲಿ ಅಪ್ ಮಾಡಿದ್ದಾರೆ
ಈ ಸಂಬಂಧ ಇದೀಗ ನಟಿ ಅನುಪಮಾ ಸೈಬರ್ ಕ್ರೈಂ ಪೋಲೀಸರಿಗೆ ದೂರು ಸಲ್ಲಿಸಿದ್ದಾರೆ. ಯಾವಉದೋ ಕಿಡಿಗೇಡಿಗಳು ಯಾರದೋ ಫೋಟೋಗೆ ಅನುಪಮಾ ಪರಮೇಶ್ವರನ್ ಅವರ ತಲೆಯನ್ನು ಅಂಟಿಸಿ ಸಾಮಾಜಿಕ ತಾಣದಲ್ಲಿ ಅಪ್ ಮಾಡಿದ್ದಾರೆ. ಇದು ವೈರಲ್ ಆಗಿದ್ದು ನಟಿ ಇಂತಹಾ ಫೇಕ್ ಫೋಟೋಗಳನ್ನು ದಯವಿಟ್ಟು ಹಂಚಿಕೊಳ್ಳಬೇಡಿ ಎಂದು ಮನವಿ ಮಾಡಿದ್ದಾರೆ.
"ನಿಮ್ಮೆಲ್ಲರಲ್ಲಿ ವಿನಮ್ರ ಮನವಿ ದಯವಿಟ್ಟು ಮಾರ್ಫ್ ಮಾಡಿರುವ ಫೋಟೋ ಹಂಚಿಕೊಳ್ಳಬೇಡಿ. ಇದರಿಂದ ಅವರ ಮನಸಿಗೆ ತುಂಬಾ ಘಾಸಿ ಮಾಡುತ್ತದೆ. ಅವರು ಒಬ್ಬ ಹೆಣ್ಣು ಮಗಳು ಎಂಬುದನ್ನು ಮರೆಯಬೇಡಿ" ನಟಿ ತನ್ನಭಿಮಾನಿಗಳಲ್ಲಿ ವಿನಂತಿಸಿಕೊಂಡಿದ್ದಾರೆ.
ಇಂತಹಾ ಫೇಕ್ ಫೋಟೋ ನಟಿಯ ಅಧಿಕೃತ ಖಾತೆಯಿಂದಲೇ ಅಪ್ ಆಗಿದ್ದು ಇದೀಗ ನಟಿ ಬೇರೆ ಸಾಮಾಜಿಕ ಮಾದ್ಯಮಗಳ ಮೂಲಕ ಅಭಿಮಾನಿಗಳಿಗೆ ಈ ಫೇಕ್ ಸುದ್ದಿ ಹಂಚಿಕೊಳ್ಳದಂತೆ ಕೋರಿದ್ದಾರೆ.
ಅನುಪಮಾ ಪರಮೇಶ್ವರನ್ ಸಧ್ಯ ತೆಲುಗಿನ "ಪಲುಕೆ ಬಂಗಾರಮಾಯೆರಾ" ಎಂಬ ಚಿತ್ರದಲ್ಲಿಆಭಿನಯಿಸುತ್ತಿದ್ದಾರೆ. ಲಾಕ್ ಡೌನ್ ಮುಗಿದ ಬಳಿಕ ಈ ಚಿತ್ರದ ಶೂಟಿಂಗ್ ಮುಂದುವರಿಯಲಿದೆ.