'ತಾಜ್ ಮಹಲ್ 2' ನೈಜ ಕಥೆಯಾಧಾರಿತ ಚಿತ್ರ

ನಿರ್ದೇಶಕರಾಗಿ ಬದಲಾಗಿರುವ ಮೇಕಪ್ ಕಲಾವಿದ ದೇವರಾಜ್ ಕುಮಾರ್ ತಾಜ್ ಮಹಲ್ 2 ಚಿತ್ರ ಬಿಡುಗಡೆಗೆ ಸಜ್ಜಾಗಿದ್ದಾರೆ. ಇದು ಅವರ ನಾಲ್ಕನೇ ಸಿನಿಮಾ ಆಗಿದೆ. ಈ ಹಿಂದೆ ಅವರು ಡೆಂಜರ್ ಜೋನ್, ನಿಶಾದಾ 2 ಮತ್ತು ಅನುಷ್ಕಾ ಚಿತ್ರವನ್ನು ನಿರ್ದೇಶಿಸಿದ್ದರು. ಈ ರೋಮ್ಯಾಂಟಿಕ್ ಸಿನಿಮಾದ ಕಥೆ, ಚಿತ್ರಕಥೆಯನ್ನು ದೇವರಾಜ್ ಕುಮಾರ್ ಅವರೇ ಬರೆದಿದ್ದಾರೆ. ಅಲ್ಲದೇ, ಚೊಚ್ಚಲ ಬಾರಿಗೆ ಹೀರೋ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

ತಾಜ್ ಮಹಲ್ 2 ಸದ್ಯ ಪೋಸ್ಟ್ ಪ್ರೊಡಕ್ಷನ್ ಹಂತದಲ್ಲಿದೆ. ಸೆಪ್ಟೆಂಬರ್ 2 ರಂದು ಚಿತ್ರ ಬಿಡುಗಡೆಗೆ ನಿರ್ಮಾಪಕರು ಎದುರು ನೋಡುತ್ತಿದ್ದಾರೆ.

ಸಿನಿ ಎಕ್ಸ್ ಪ್ರೆಸ್ ಜೊತೆಗೆ ಮಾತನಾಡಿದ ದೇವರಾಜ್, ತಾಜ್ ಮಹಲ್ 2 ಶೀರ್ಷಿಕೆಗೂ ಆರ್. ಚಂದ್ರು 2008ರಲ್ಲಿ ನಿರ್ದೇಶಿಸಿದ್ದ ತಾಜ್ ಮಹಲ್ ಚಿತ್ರಕ್ಕೂ ಯಾವುದೇ ಸಂಬಂಧವಿಲ್ಲ, ಇದೊಂದು ರೋಮ್ಯಾಂಟಿಕ್ ಚಿತ್ರವಾವಾಗಿದೆ. ಕೊಯಂಬತ್ತೂರಿನಲ್ಲಿ ಸಂಭವಿಸಿದ ನೈಜ ಕಥೆಯಾಧಾರಿತ ಚಿತ್ರವಾಗಿದೆ ಎಂದರು. 

ಇದನ್ನೂ ಓದಿ: ರೋರಿಂಗ್ ಸ್ಟಾರ್ ಶ್ರೀಮುರಳಿ ಅವರಿಂದ 'ತಾಜ್ ಮಹಲ್ 2' ಚಿತ್ರದ ಸಾಂಗ್ಸ್ ಬಿಡುಗಡೆ

ಆ ಘಟನೆ ನನ್ನನ್ನು ತೀವ್ರವಾಗಿ ಕಾಡಿತ್ತು. ಅದನ್ನು ತಾಜ್ ಮಹಲ್ 2 ಮೂಲಕ ಪ್ರೇಕ್ಷಕರ ಮುಂದೆ ತೋರಿಸುತ್ತಿದ್ದೇವೆ. ಸಮೃದ್ಧಿ ಶುಕ್ಲಾ ನಾಯಕಿಯಾಗಿ ಅಭಿನಯಿಸಿರುವ ಈ ಚಿತ್ರಕ್ಕೆ ಶ್ರೀ ಗಂಗಾಭಿಕಾ ಎಂಟರ್ ಪ್ರೈಸಸ್ ಸಹಕಾರವಿದೆ.

ಸಂಭಾಷಣೆ ಮತ್ತು ಸಾಹಿತ್ಯವವನ್ನು ಮನುವರಸಿ ನವಲಗುಂದ ಬರೆದಿದ್ದು, ವಿಕ್ರಮ್ ಸೆಲ್ವಂ ಸಂಗೀತ ಸಂಯೋಜಿಸಿದ್ದಾರೆ. ವಿನಸ್ ಮೂರ್ತಿ ಅವರ ಛಾಯಾಗ್ರಹಣವಿರಲಿದೆ.