ಮತ್ತೊಂದು ಸಿನಿಮಾಗಾಗಿ ಜೊತೆಯಾಗುತ್ತಿದ್ದಾರೆ 'ಪದವಿ ಪೂರ್ವ' ನಟ-ನಿರ್ದೇಶಕ!

ಪದವಿ ಪೂರ್ವ ಸಿನಿಮಾ ನಿರ್ದೇಶಕ ಹರಿಪ್ರಸಾದ್ ಜಯಣ್ಣ ಮತ್ತು ನಾಯಕ ಪೃಥ್ವಿ ಶಾಮನೂರು ಮತ್ತೊಂದು ಸಿನಿಮಾಗಾಗಿ ಜೊತೆಯಾಗುತ್ತಿದ್ದಾರೆ.

ಸಿನಿಮಾ ಅಕ್ಟೋಬರ್ ನಲ್ಲಿ ಸೆಟ್ಟೇರೇಲಿದೆ. ಪದವಿಪೂರ್ವ ಸಿನಿಮಾಗಾಗಿ ನಮಗೆ 17 ವರ್ಷದ ಪೃಥ್ವಿ  ಅವರನ್ನು ಆಯ್ಕೆ ಮಾಡಲಾಗಿತ್ತು.  ಈಗ ಅವರು ಪ್ರಬುದ್ಧರಾಗಿ ಕಾಣುತ್ತಾರೆ, ಹೀಗಾಗಿ ಹೀರೋ ಟೋಪಿ ಧರಿಸುತ್ತಿದ್ದಾರೆ. ನಮ್ಮ ಮುಂದಿನ ಸಿನಿಮಾದಲ್ಲಿ ಅವರನ್ನು ಹೀರೋ ಮಾಡಿದ್ದು, ಇದೊಂದು ಕಮರ್ಷಿಯಲ್ ಸಿನಿಮಾವಾಗಿದೆ ಎಂದು ನಿರ್ದೇಶಕ ಹರಿ ಪ್ರಸಾದ್ ಹೇಳಿದ್ದಾರೆ.  

ಇದನ್ನೂ ಓದಿ: ಸಾಮಾಜಿಕ ಮಾಧ್ಯಮ ಜಮಾನಕ್ಕಿಂತ ಹಿಂದಿನ ಕಾಲಮಾನದ ಪ್ರಣಯ ಕಥೆ ಹೇಳುವ 'ಪದವಿ ಪೂರ್ವ'!

ಸಿನಿಮಾದಲ್ಲಿ ಇಬ್ಬರು ನಾಯಕಿಯರಿದ್ದು, ಜನಪ್ರಿಯ ನಟಿಯೊಬ್ಬರು ಸಿನಿಮಾದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಮತ್ತೊಂದು ಪಾತ್ರಕ್ಕಾಗಿ ಹೊಸ ನಾಯಕಿಯನ್ನು ಹುಡುಕಲಾಗುತ್ತಿದೆ. ಶೀಘ್ರದಲ್ಲೆ ಅಂತಿಮಗೊಳಿಸಲಾಗುವುದು ಎಂದು ಹರಿಪ್ರಸಾದ್ ತಿಳಿಸಿದ್ದಾರೆ.

ಸಿನಿಮಾಗೆ ಅರ್ಜುನ್ ಜನ್ಯ ಸಂಗೀತವಿದ್ದು, ಸಂತೋಷ್ ರೈ ಪಾತಾಜೆ ಛಾಯಾಗ್ರಹಣವಿದೆ, ಪದವಿ ಪೂರ್ವ ಸಿನಿಮಾ ಇನ್ನೆರಡು ತಿಂಗಳಲ್ಲಿ ತೆರೆ ಕಾಣಲಿದೆ.