ಭರ್ಜರಿ, ಬಹದ್ದೂರ್, ಭರಾಟೆ ಮತ್ತು ಜೇಮ್ಸ್ನಂತಹ ಆಕ್ಷನ್ ಎಂಟರ್ಟೈನರ್ ಚಿತ್ರ ನಿರ್ದೇಶನಕ್ಕೆ ಹೆಸರುವಾಸಿಯಾದ ಚೇತನ್ ಕುಮಾರ್, ಸದ್ಯ ನಟ ರಕ್ಷ್ ರಾಮ್ ಅವರೊಂದಿಗೆ ಬರ್ಮ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಮತ್ತೊಂದು ಆ್ಯಕ್ಷನ್ ಚಿತ್ರವಾಗಿರುವ ಇದರಲ್ಲಿ ಎದುರಾಳಿಗಳ ಪಟ್ಟಿ ದೊಡ್ಡದಾಗಿದ್ದು, ಸಾಕಷ್ಟು ಕುತೂಹಲಕ್ಕೆ ಕಾರಣವಾಗಿದೆ.
ಅವರಲ್ಲಿ ಶವರ್ ಅಲಿ ಪ್ರಮುಖರಾಗಿದ್ದಾರೆ. ಇವರು ಕನ್ನಡ ಸೇರಿದಂತೆ ವಿವಿಧ ಭಾಷೆಗಳಲ್ಲಿ ಕಾಣಿಸಿಕೊಂಡ ಬಹುಮುಖ ನಟ, ಗಮನಾರ್ಹವಾಗಿ ದರ್ಶನ್ ಅವರ ಚಕ್ರವರ್ತಿಯಲ್ಲಿ ಕಾಣಿಸಿಕೊಂಡಿದ್ದಾರೆ.
ಅವರು ಈಗ ಈ ಸಿನಿಮಾದೊಂದಿಗೆ ಕನ್ನಡ ಚಿತ್ರರಂಗಕ್ಕೆ ಮರಳಿದ್ದಾರೆ ಮತ್ತು ರಕ್ಷ್ ರಾಮ್ ವಿರುದ್ಧ ತೊಡೆತಟ್ಟಲಿದ್ದಾರೆ. ಶವರ್ ಅಲಿ ಜೊತೆಗೆ, ಆದಿತ್ಯ ಮೆನನ್, ದೀಪಕ್ ಶೆಟ್ಟಿ, ಅನಿಲ್ ಕುಮಾರ್ ಮತ್ತು ಪೆಟ್ರೋಲ್ ಪ್ರಸನ್ನ ಮತ್ತಿತರರು ಖಳನಾಯಕರಾಗಿ ನಟಿಸುತ್ತಿದ್ದಾರೆ.
ಗಟ್ಟಿ ಮೇಳ ಧಾರಾವಾಹಿಯಿಂದ ಹೆಸರುವಾಸಿಯಾದ ರಕ್ಷ್, ಬರ್ಮ ಮೂಲಕ ನಿರ್ಮಾಪಕರಾಗುತ್ತಿದ್ದಾರೆ. ಇದು ಬಹು ಭಾಷೆಗಳಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಚಿತ್ರಕ್ಕೆ ವಿ ಹರಿಕೃಷ್ಣ ಸಂಗೀತ ನೀಡಲಿದ್ದು, ಮಹೇಶ್ ರೆಡ್ಡಿ ಅವರ ಸಂಕಲನವಿದೆ. ಖ್ಯಾತ ಸಾಹಸ ನಿರ್ದೇಶಕ ರವಿವರ್ಮ ಬರ್ಮದಲ್ಲಿ ಸಾಹಸ ನಿರ್ದೇಶನ ಮಾಡುತ್ತಿದ್ದಾರೆ.
Advertisement