ಕೆ.ಜಿ.ಎಫ್: ಚಾಪ್ಟರ್ 2 (2022ರಲ್ಲಿ) ನಂತರ ಕನ್ನಡದ ರಾಕಿಂಗ್ ಸ್ಟಾರ್ ಯಶ್ ಅವರ ದೊಡ್ಡ ಪರದೆ ಮೇಲೆ ಪುನರಾಗಮನಕ್ಕಾಗಿ ಅಭಿಮಾನಿಗಳು ಸುದೀರ್ಘ ನಾಲ್ಕು ವರ್ಷಗಳಿಂದ ಕಾಯುತ್ತಿದ್ದರು. ನಿರ್ದೇಶಕಿ ಗೀತು ಮೋಹನ್ದಾಸ್ ನಿರ್ದೇಶನದ ಅತೀವ ನಿರೀಕ್ಷೆಯ 'ಟಾಕ್ಸಿಕ್' (Toxic) ಸಿನಿಮಾ ಕೊನೆಗೂ ತೆರೆಕಂಡಿದೆ. ಈ ವರ್ಷದ ಅತ್ಯಂತ ಹೆಚ್ಚು ಹೈಪ್ ಪಡೆದ ಭಾರತೀಯ ಚಲನಚಿತ್ರಗಳಲ್ಲಿ ಒಂದಾಗಿರುವ 'ಟಾಕ್ಸಿಕ್', ವರದಿಗಳ ಪ್ರಕಾರ ದೇಶದಲ್ಲಿ ನಿರ್ಮಾಣಗೊಂಡ ಅತ್ಯಂತ ದುಬಾರಿ ಸಿನಿಮಾಗಳಲ್ಲಿ ಒಂದಾಗಿದೆ. ಚಿತ್ರದಲ್ಲಿ ಕಿಯಾರಾ ಅಡ್ವಾಣಿ ಮತ್ತು ನಯನತಾರಾ ಸೇರಿದಂತೆ ಪ್ರಮುಖ ತಾರಾಗಣವಿದೆ.
ಇತ್ತೀಚೆಗೆ ಹೈದರಾಬಾದ್ನ ಮಲ್ಲಾ ರೆಡ್ಡಿ ವಿಶ್ವವಿದ್ಯಾಲಯದಲ್ಲಿ ನಡೆದ ಪ್ರಚಾರ ಕಾರ್ಯಕ್ರಮದಲ್ಲಿ ಸಿನಿಮಾದ ಬಗ್ಗೆ ಮಾತನಾಡಿದ ಯಶ್, ಟಾಕ್ಸಿಕ್ ಅತ್ಯಂತ ಬೋಲ್ಡ್, ಅತ್ಯಂತ ಒರಿಜಿನಲ್, ಮಹತ್ವಾಕಾಂಕ್ಷೆಯ ಮತ್ತು ವಿಶಿಷ್ಟ ಹಾದಿಯನ್ನು ತೆರೆಯುವ ಸಿನಿಮಾ. ಟಾಕ್ಸಿಕ್ ನಿಮ್ಮ ಮನಸ್ಸನ್ನು ಬೆರಗುಗೊಳಿಸುತ್ತದೆ. ಅದರಾಚೆಗೆ, ಇದು ಮಾನಸಿಕವಾಗಿ ಅತ್ಯಂತ ಗಹನವಾದ ಸಿನಿಮಾ. ಕಲೆ ಎಂಬುದು ಯಾವಾಗಲೂ ನಿಮ್ಮನ್ನು ಕತ್ತಲೆಯ ಮೂಲೆಗೆ ತಳ್ಳಿ, ಮಾನವ ಸಂಬಂಧಗಳು ಹಾಗೂ ಜೀವನದಲ್ಲಿ ನಾವು ಎದುರಿಸುವ ಮಾನಸಿಕ ಸವಾಲುಗಳ ಬಗ್ಗೆ ಮುಜುಗರದ ಪ್ರಶ್ನೆಗಳನ್ನು ಕೇಳುವಂತೆ ಮಾಡಬೇಕು ಎಂಬುದು ನನ್ನ ನಂಬಿಕೆ. ಹಾಗಾಗಿ ಇದೊಂದು ಉತ್ತಮ ಚಿತ್ರವಾಗಿದ್ದು, ನಿಮ್ಮೊಂದಿಗೆ ವೈಯಕ್ತಿಕ ಮಟ್ಟದಲ್ಲೂ ಸಂವಹನ ನಡೆಸುತ್ತದೆ ಎಂದು ಹೇಳಿದ್ದಾರೆ.
ಸುಮಾರು 500 ಕೋಟಿ ರೂಪಾಯಿ ನಿರ್ಮಾಣ ವೆಚ್ಚದಲ್ಲಿ ತಯಾರಾಗಿರುವ ಈ ಗ್ಯಾಂಗ್ಸ್ಟರ್ ಸಿನಿಮಾ, ಆರಂಭದಲ್ಲಿ ಘೋಷಿಸಲಾಗಿದ್ದ ಏಪ್ರಿಲ್ 10, 2025ರ ಬಿಡುಗಡೆ ದಿನಾಂಕಕ್ಕಿಂತ 503 ದಿನಗಳ ನಂತರ ಪ್ರದರ್ಶನ ಕಾಣುತ್ತಿದೆ. ನಿರ್ಮಾಣದ ಸಮಯದಲ್ಲಿ ಎದುರಾದ ವಿಳಂಬದಿಂದಾಗಿ, ತಯಾರಕರು ಬಿಡುಗಡೆಯನ್ನು ಹಲವು ಬಾರಿ ಮುಂದೂಡಿ ಕೊನೆಗೆ ಇಂದು ಆಗಸ್ಟ್ 26ಕ್ಕೆ ದಿನಾಂಕವನ್ನು ಅಂತಿಮಗೊಳಿಸಿದ್ದರು.
ಈ ಚಿತ್ರದಲ್ಲಿ ಹುಮಾ ಖುರೇಷಿ, ತಾರಾ ಸುತಾರಿಯಾ ಮತ್ತು ಸುದೇವ್ ನಾಯರ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಕೆವಿಎನ್ ಪ್ರೊಡಕ್ಷನ್ಸ್ (KVN Productions) ಮತ್ತು ಮಾನ್ಸ್ಟರ್ ಮೈಂಡ್ ಕ್ರಿಯೇಷನ್ಸ್ (Monster Mind Creations) ಬ್ಯಾನರ್ಗಳ ಅಡಿಯಲ್ಲಿ ವೆಂಕಟ್ ಕೆ ನಾರಾಯಣ ಹಾಗೂ ಯಶ್ ಜಂಟಿಯಾಗಿ ಈ ಚಿತ್ರವನ್ನು ನಿರ್ಮಿಸಿದ್ದಾರೆ.
'ಟಾಕ್ಸಿಕ್'ಗೆ ರಾಜೀವ್ ರವಿ ಛಾಯಾಗ್ರಹಣ ಮಾಡಿದ್ದು, ರವಿ ಬಸ್ರೂರು, ವಿಶಾಲ್ ಮಿಶ್ರಾ ಮತ್ತು ತನಿಷ್ಕ್ ಬಾಗ್ಚಿ ಸಂಗೀತ ಸಂಯೋಜಿಸಿದ್ದಾರೆ. ಟಿಪಿ ಅಭಿದ್ ಕಲಾ ನಿರ್ದೇಶಕರಾಗಿ ಹಾಗೂ ಉಜ್ವಲ್ ಕುಲಕರ್ಣಿ ಸಂಕಲನಕಾರರಾಗಿ ಕೆಲಸ ಮಾಡಿದ್ದಾರೆ. ಜೆಜೆ ಪೆರ್ರಿ, ಅನ್ಬರಿವ್, ಕೆಚಾ ಖಂಪಕ್ಡಿ ಮತ್ತು ಅಮೃತ್ ಸಿಂಗ್ ಸಾಹಸ ದೃಶ್ಯಗಳನ್ನು ಸಂಯೋಜಿಸಿದ್ದಾರೆ.
ಚಿತ್ರ ನೋಡಿದ ಅಭಿಮಾನಿಗಳು ಏನಂತಾರೆ?
'ಅದ್ಭುತ ದೃಶ್ಯ ವೈಭವ ಮತ್ತು ನಿರ್ಮಾಣ ' ಎಂದ ಅಭಿಮಾನಿಗಳು ಚಿತ್ರವನ್ನು ವಿಮರ್ಶಿಸುತ್ತಾ 'X' (ಟ್ವಿಟರ್) ಬಳಕೆದಾರರೊಬ್ಬರು, ಕೆಲವು ಏಳು-ಬೀಳುಗಳಿದ್ದರೂ ನೋಡಲು ಉತ್ತಮವಾದ ಚಿತ್ರ! ಯಶ್ ಹಲವು ದೃಶ್ಯಗಳನ್ನು ಅತ್ಯಂತ ಸುಲಭವಾಗಿ ನಡೆಸಿಕೊಂಡು ಹೋಗಿದ್ದಾರೆ. ಅದ್ಭುತ ದೃಶ್ಯಗಳು ಮತ್ತು ಬೃಹತ್ ನಿರ್ಮಾಣವಿದೆ. ಸಿನಿಮಾ ಪ್ರಪಂಚ ಮತ್ತು ಪ್ರಸ್ತುತಿ ಅದ್ಭುತವಾಗಿದೆ. ಕೆಲವು ಸಾಹಸ ದೃಶ್ಯಗಳು ಬೆಳ್ಳಿತೆರೆ ಮೇಲೆ ಅದ್ಭುತವಾಗಿ ಮೂಡಿಬಂದಿವೆ ಎಂದು ಬರೆದುಕೊಂಡಿದ್ದಾರೆ.
ಆದರೆ ಚಿತ್ರಕಥೆಯು ಚಿತ್ರವನ್ನು ಪೂರ್ಣವಾಗಿ ಹಿಡಿದಿಡಲು ವಿಫಲವಾಗಿದೆ. ನಿರೂಪಣೆ ಕೆಲವು ಕಡೆ ಅಸಮತೋಲಿತವಾಗಿದೆ; ಕೆಲವು ಭಾಗಗಳು ಎಳೆದಂತಿದ್ದು, ಭಾವನಾತ್ಮಕ ಬೆಸುಗೆ ಅಷ್ಟಾಗಿ ಮೂಡಿಬಂದಿಲ್ಲ. ಹಿನ್ನೆಲೆ ಸಂಗೀತ (BGM) ಕೆಲವು ಭಾಗಗಳಲ್ಲಿ ಕೆಲಸ ಮಾಡುತ್ತದೆ, ಹಾಗೆಯೇ ಕ್ಲೈಮ್ಯಾಕ್ಸ್ ಸಿನಿಮಾಗೆ ಅಗತ್ಯವಿರುವ ವೇಗವನ್ನು ನೀಡುತ್ತದೆ. ಅತ್ಯುತ್ತಮ ಚಿತ್ರವಲ್ಲದಿದ್ದರೂ, ಖಂಡಿತವಾಗಿಯೂ ಕೆಟ್ಟ ಚಿತ್ರವಲ್ಲ. ಒಮ್ಮೆ ನೋಡಲು ಬೇಕಾದಷ್ಟು ಧನಾತ್ಮಕ ಅಂಶಗಳಿವೆ ಎಂದು ಹಲವರು ಅಭಿಪ್ರಾಯಪಟ್ಟಿದ್ದಾರೆ.
ಭಾರತದಲ್ಲಿ ಆರಂಭದಲ್ಲಿ 12.56 ಕೋಟಿ ಗಳಿಕೆ ಮಾಡಿದ 'ಟಾಕ್ಸಿಕ್' ನಿರ್ದೇಶಕಿ ಗೀತು ಮೋಹನ್ದಾಸ್ ಅವರ 'ಟಾಕ್ಸಿಕ್' ಬಾಕ್ಸ್ ಆಫೀಸ್ನಲ್ಲಿ ಉತ್ತಮ ಗಳಿಕೆ ಕಾಣುತ್ತಿದ್ದು, ಯಶ್ ಅವರ ಜನಪ್ರಿಯತೆಯನ್ನು ಸಾಬೀತುಪಡಿಸುತ್ತಿದೆ. ಸಾಕ್ನಿಲ್ಕ್ (Sacnilk) ಮಾಹಿತಿ ಪ್ರಕಾರ, ಇಂದು ಬೆಳಗ್ಗೆ 8.45 ರ ವೇಳೆಗೆ, ಈ ಗ್ಯಾಂಗ್ಸ್ಟರ್ ಚಿತ್ರದ ಭಾರತದ ನಿವ್ವಳ ಗಳಿಕೆ 12.56 ಕೋಟಿಯಷ್ಟಿತ್ತು ಮತ್ತು 3,141 ಪ್ರದರ್ಶನಗಳಲ್ಲಿ ಶೇ 43.3 ರಷ್ಟು ಸೀಟುಗಳು ಭರ್ತಿಯಾಗಿದ್ದವು. ಮೂಲ ಕನ್ನಡ ಆವೃತ್ತಿಯು 6.32 ಕೋಟಿ ಗಳಿಸಿದರೆ, ಹಿಂದಿ ಆವೃತ್ತಿಯು ೃ3.26 ಕೋಟಿ ಕೊಡುಗೆ ನೀಡಿದೆ. ತೆಲುಗು, ತಮಿಳು ಮತ್ತು ಮಲಯಾಳಂ ಆವೃತ್ತಿಗಳು ಅನುಕ್ರಮವಾಗಿ 2.35 ಕೋಟಿ, 37 ಲಕ್ಷ ಹಾಗೂ 26 ಲಕ್ಷ ಸಂಗ್ರಹಿಸಿವೆ.
ಒಂದೇ ದಿನದಲ್ಲಿ 64.85 ಕೋಟಿ ರೂಪಾಯಿ ಮುಂಗಡ ಬುಕಿಂಗ್ ಗ್ರೂಪ್ ಸಾಕಷ್ಟು ವಿಳಂಬದ ನಂತರ ಬಿಡುಗಡೆಯಾಗಿರುವ 'ಟಾಕ್ಸಿಕ್', 'ಕೆಜಿಎಫ್ 2' ನಂತರ ಯಶ್ ಅಭಿನಯದ ಮೊದಲ ಚಿತ್ರವಾಗಿದೆ. ಚಿತ್ರವು ಭಾರತದಲ್ಲಿ ತನ್ನ ಮೊದಲ ದಿನವೇ 64.85 ಕೋಟಿ (ಬ್ಲಾಕ್ ಸೀಟುಗಳನ್ನು ಸೇರಿಸಿ) ಮುಂಗಡ ಬುಕಿಂಗ್ ಗ್ರೂಪ್ ದಾಖಲಿಸಿದೆ.
