ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಟಾಕ್ಸಿಕ್ ಆರನೇ ದಿನವಾದ ಸೋಮವಾರವೂ ಥಿಯೇಟ್ರಿಕಲ್ ಪ್ರದರ್ಶನ ಮುಂದುವರೆಸಿದೆ. ಆದರೆ ಬಾಕ್ಸ್ಆಫೀಸ್ ನಲ್ಲಿ ಅಂದುಕೊಂಡ ರೀತಿಯಲ್ಲಿ ಕಲೆಕ್ಷನ್ ಮಾಡಿಲ್ಲ. ಸಿನಿಮಾ ಭರ್ಜರಿ ಓಪನಿಂಗ್ ಪಡೆದರೂ, ಬಳಿಕ ಮಿಶ್ರ ಪ್ರತಿಕ್ರಿಯೆಯಿಂದ ಕಲೆಕ್ಷನಲ್ಲಿ ಸ್ವಲ್ಪ ಕುಸಿತವಾಗಿದೆ.
ಟಾಕ್ಸಿಕ್ ಸಿನಿಮಾದ ಕಲೆಕ್ಷನ್ ದಿನದಿಂದ ದಿನಕ್ಕೆ ಕುಸಿಯುತ್ತಿದ್ದು, ಆರನೇ ದಿನ ಭಾರತದಾದ್ಯಂತ ಕೇವಲ 7.45 ಕೋಟಿ ರೂಪಾಯಿ ಗಳಿಸಿದೆ. ಇದರೊಂದಿಗೆ ಟಾಕ್ಸಿಕ್ ಚಿತ್ರದ ಆರು ದಿನಗಳ ಭಾರತದ ಒಟ್ಟು ನೆಟ್ ಗಳಿಕೆ 221.55 ಕೋಟಿ ರೂಪಾಯಿಗೆ ತಲುಪಿದೆ.
ಟಾಕ್ಸಿಕ್ ಸಿನಿಮಾ ಭಾನುವಾರ ಒಟ್ಟು 16,241 ಪ್ರದರ್ಶನಗಳಿಂದ 23.00 ಕೋಟಿ ರೂ. ನಿವ್ವಳ ಲಾಭ ಗಳಿಸಿತ್ತು. ಆದರೆ ಭಾನುವಾರದ ಗಳಿಕೆಗೆ ಹೋಲಿಸಿದರೆ ಸೋಮವಾರ ಭಾರೀ ಕುಸಿತ ಕಂಡಿದೆ. ಕಲೆಕ್ಷನ್ ಕುಸಿತದ ನಡುವೆಯೂ ಭಾರತದಲ್ಲಿ ಆರನೇ ದಿನಕ್ಕೆ ಒಟ್ಟು 300 ಕೋಟಿ ರೂಪಾಯಿಗೂ ಹೆಚ್ಚು ಗಳಿಸುವ ಮೂಲಕ ಯಶ್ ಸಿನಿಮಾ 300 ಕೋಟಿ ಕ್ಲಬ್ ಸೇರಿದೆ.
ಟಾಕ್ಸಿಕ್ ಒಟ್ಟು 255.95 ಕೋಟಿ ರೂ. ಗಳಿಸಿದ್ದರೆ, ದೇಶೀಯವಾಗಿ 214.10 ಕೋಟಿ ರೂ. ಕಲೆಕ್ಷನ್ ದಾಖಲಿಸಿದೆ. ಬಿಡುಗಡೆಯಾದ ಎರಡನೇ ದಿನದಿಂದಲೇ ಗಳಿಕೆಯಲ್ಲಿ ಕುಸಿತ ಕಂಡಿದ್ದ ಸಿನಿಮಾವು ರವಿವಾರದಂದು 23 ಕೋಟಿ ರೂ.ಗಳನ್ನು ಗಳಿಸಿದೆ. ಭಾರತದಲ್ಲಿ ನಿವ್ವಳ 214 ಕೋಟಿ ರೂ. ಗಳಿಸಿದೆ.
6ನೇ ದಿನ ಟಾಕ್ಸಿಕ್ ಭಾರತದಲ್ಲಿ 7.45 ಕೋಟಿ ರೂ. ಗಳಿಸಿದೆ, ಇದರೊಂದಿಗೆ ಭಾರತದ ಒಟ್ಟು ಕಲೆಕ್ಷನ್ 264.80 ಕೋಟಿ ರೂ.ಗೆ ತಲುಪಿದೆ. ಆದರೆ ಭಾರತದ ನಿವ್ವಳ ಗಳಿಕೆ 221.55 ಕೋಟಿ ರೂ.ಗಳಿಗೆ ತಲುಪಿದೆ.
ವಿದೇಶಗಳಲ್ಲಿ, ಚಿತ್ರವು 6ನೇ ದಿನದಂದು 2 ಕೋಟಿ ರೂ.ಗಳನ್ನು ಗಳಿಸಿದೆ, ಇದುವರೆಗೆ ಅದರ ಒಟ್ಟು ಅಂತರರಾಷ್ಟ್ರೀಯ ಗಳಿಕೆ 39.25 ಕೋಟಿ ರೂ.ಗಳಿಗೆ ತಲುಪಿದೆ. ಇದರೊಂದಿಗೆ, ವಿಶ್ವಾದ್ಯಂತ ಅದರ ಒಟ್ಟು ಗಳಿಕೆ 304.05 ಕೋಟಿ ರೂ.ಗೆ ತಲುಪಿದೆ.
