ಆರ್ಸಿಬಿ ಮುಂದಿನ ಪಂದ್ಯಕ್ಕೆ ವಿರಾಟ್ ಕೊಹ್ಲಿ, ಎಬಿಡಿ ವಿಲಿಯರ್ಸ್?

ಬೆಂಗಳೂರು: ಇಂಡಿಯನ್ ಪ್ರಿಮಿಯರ್ ಲೀಗ್(ಐಪಿಎಲ್) ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ನಾಯಕ ವಿರಾಟ್ ಕೊಹ್ಲಿ ಮತ್ತು ಸ್ಫೋಟಕ ಬ್ಯಾಟ್ಸ್ ಮನ್ ಎಬಿಡಿ ವಿಲಿಯರ್ಸ್ ಇಲ್ಲದೆ 1 ಸೋಲು, 1 ಗೆಲುವು ಸಾಧಿಸಿದೆ. 

ಈ ಮಧ್ಯೆ ರಾಯಲ್ ಚಾಲೆಂಜರ್ಸ್ ಅಭಿಮಾನಿಗಳಿಗೆ ಸಿಹಿ ಸುದ್ದಿಯೊಂದು ಬಂದಿದೆ. ಭುಜದ ಗಾಯಕ್ಕೆ ತುತ್ತಾಗಿರುವ ವಿರಾಟ್ ಕೊಹ್ಲಿ ಮತ್ತು ಗಾಯದ ಸಮಸ್ಯೆಯಿಂದ ಬಳಲುತ್ತಿರುವ ಎಬಿಡಿ ವಿಲಿಯರ್ಸ್ ಆರ್ಸಿಬಿ ಮುಂದಿನ ಪಂದ್ಯಕ್ಕೆ ಬಹುಷಃ ಮರಳಬಹುದೆನೋ ಎಂದು ಸೂಚನೆಯನ್ನು ಹಾಲಿ ನಾಯಕ ಶೇನ್ ವಾಟ್ಸನ್ ನೀಡಿದ್ದಾರೆ. 

ಡೆಲ್ಲಿ ಡೇರ್ ಡೆವಿಲ್ಸ್ ತಂಡದ ವಿರುದ್ಧದ ಭರ್ಜರಿ ಗೆಲುವಿನ ಬಳಿಕ ಸಂಜಯ್ ಮರ್ಜೆಕರ್ ಅವರ ವಾಟ್ಸನ್ ಅವರನ್ನು ಮಾತನಾಡಿಸುತ್ತಾ ಆರ್ಸಿಬಿ ತಂಡದ ಇಬ್ಬರು ಸ್ಫೋಟಕ ಬ್ಯಾಟ್ಸ್ ಮನ್ ಗಳು ತಂಡದಿಂದ ದೂರ ಉಳಿದಿದ್ದು ಅವರು ಮರಳಿ ತಂಡಕ್ಕೆ ಮರುಳುತ್ತಾರಾ? ಎಂದು ಪ್ರಶ್ನಿಸಿದರು. ಇದಕ್ಕೆ ವಾಟ್ಸನ್ ಬಹುಷಃ ಮರಳಬಹುದು ಎಂದರು, ಇದು ನಿಜವಾ ಎಂದು ಸಂಜಯ್ ಕೇಳಿದಕ್ಕೆ ನಗುತ್ತಾ ಬಹುಷಃ ಇಲ್ಲದೆ ಇರಬಹುದು ಎಂದು ಗೋಡೆ ಮೇಲೆ ದ್ವೀಪ ಇಟ್ಟಂತೆ ಹೇಳಿದ್ದಾರೆ.