ನವದೆಹಲಿ: 90 ಮೈಲಿ ವೇಗದಲ್ಲಿ ಬೌಲಿಂಗ್ ಮಾಡುವ ಇಂಗ್ಲೆಂಡ್ ವೇಗಿ ಟೈಮಲ್ ಮಿಲ್ಸ್ ವೇಗಕ್ಕೆ ಹೆದರಲ್ಲ ಎಂದು ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಹೇಳಿದ್ದಾರೆ.
ಟೈಮಲ್ ಮಿಲ್ಸ್ ಇಂಗ್ಲೆಂಡ್ ಟಿ20 ತಂಡದಲ್ಲಿ ಸ್ಥಾನ ಪಡೆದಿದ್ದು ಮಿಲ್ಸ್ ಅಂದಾಜು 160 ಕಿ.ಮೀ ವೇಗದಲ್ಲಿ ಬೌಲಿಂಗ್ ಎಸೆಯುತ್ತಾರೆ. ಇವರು ತಮ್ಮ ತೀವ್ರ ವೇಗದ ಬೌಲಿಂಗ್ ಮೂಲಕ ಕೊಹ್ಲಿಯನ್ನು ಹೆದರಿಸಲಿದ್ದಾರೆ ಎಂದು ಸುದ್ದಿ ಹರಿದಾಡುತ್ತಿದೆ. ಇದಕ್ಕೆ ಉತ್ತರಿಸಿರುವ ಕೊಹ್ಲಿ ನಾನು ಅದಕ್ಕೆಲ್ಲ ಹೆದರುವ ಪ್ರಶ್ನೆಯೇ ಇಲ್ಲ ಎಂದು ತಿಳಿಸಿದ್ದಾರೆ.
ನಾನು ಟೈಮರ್ ಬೌಲಿಂಗ್ ಎದುರಿಸಿಲ್ಲ ಅವರು 90 ಮೈಲಿ ವೇಗದಲ್ಲಿ ಬೌಲಿಂಗ್ ಮಾಡುತ್ತಾರೆ ಎಂದು ಕೇಳಿದ್ದೇನೆ. ನಾನು ಹಿಂದೆಯೂ 90 ಮೈಲಿ ವೇಗದ ಬೌಲಿಂಗ್ ಎದುರಿಸಿದ್ದೇನೆ. ಅವರ ವೇಗದ ಎಸೆತವನ್ನು ಯಾವುದೇ ಸಮಸ್ಯೆಯೂ ಇಲ್ಲದೆ ಆರಾಮವಾಗಿ ಎದುರಿಸುತ್ತೇನೆ ಎಂದು ಹೇಳಿದ್ದಾರೆ.
