ನವದೆಹಲಿ: ಚಾಂಪಿಯನ್ಸ್ ಟ್ರೋಫಿ ಫೈನಲ್ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧದ ಹೀನಾಯ ಸೋಲನ್ನು ಅಭಿಮಾನಿಗಳು ಇನ್ನೂ ಮರೆತಿಲ್ಲ. ಇದೀಗ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಅವರ ಫೋಟೋವನ್ನು ಬಳಸಿಕೊಂಡು ಟ್ವೀಟರಿಗರು ತಮಾಷೆಯ ಟ್ವೀಟ್ ಗಳನ್ನು ಮಾಡುತ್ತಿದ್ದಾರೆ.
ಸದ್ಯ ಟೀಂ ಇಂಡಿಯಾ ವೆಸ್ಟ್ ಇಂಡೀಸ್ ಪ್ರವಾಸದಲ್ಲಿದ್ದು ಮೊದಲ ಏಕದಿನ ಪಂದ್ಯ ಮಳೆಯಿಂದ ರದ್ದಾಗಿತ್ತು. ಈ ಸಂದರ್ಭದಲ್ಲಿ ಕೊಹ್ಲಿ ಡ್ರೆಸಿಂಗ್ ರೂಂ ಒಳಗಡೆಯ ಕಿಂಡಿಯೊಂದರಲ್ಲಿ ಇಣುಕಿ ನೋಡುತ್ತಿರುವ ಫೋಟೋವನ್ನು ಬಳಸಿಕೊಂಡು ಅಭಿಮಾನಿಗಳು ವ್ಯಂಗ್ಯವಾಡಿದ್ದಾರೆ.
ಟ್ವೀಟರಿಗರು 'ಒಳಗೆ ಅನುಷ್ಕಾ ಇದ್ದಾರಾ'? 'ಕೋಚ್ ಅನಿಲ್ ಕುಂಬ್ಳೆ ಬರುತ್ತಿದ್ದಾರೆ ಟಿವಿ ಬಂದ್ ಮಾಡಿ', 'ಜಡೇಜಾ ಆಚೆ ಬಾ ಪಾಂಡ್ಯ ಹೊಡೆಯೊಲ್ಲ' ಎಂಬಿತ್ಯಾದಿ ಜೋಕ್ ಗಳನ್ನು ಮಾಡುತ್ತಿದ್ದಾರೆ.