ಎಸಿಯು ವರದಿ ಬರುವವರೆಗೆ ಶಮಿ ಐಪಿಎಲ್ ನಲ್ಲಿ ಆಡುವ ಬಗ್ಗೆ ನಿರ್ಧಾರವಿಲ್ಲ: ಬಿಸಿಸಿಐ

ಮೊಹಮ್ಮದ್ ಶಮಿ ಅವರ ಪತ್ನಿ ಹಸೀನ್ ಜಹಾನ್ ಪತಿ ವಿರುದ್ಧ ಮಾಡಿರುವ ಭ್ರಷ್ಟಾಚಾರ ಆರೋಪದ ಬಗ್ಗೆ ತನಿಖೆ ನಡೆಸಲು ಆಡಳಿತಾಧಿಕಾರಿಗಳ ಸಮಿತಿ(ಸಿಒಎ) ಯ ಮುಖ್ಯಸ್ಥ ವಿನೋದ್ ರಾಯ್ ಎಸಿಯು ಮುಖ್ಯಸ್ಥ ನೀರಜ್ ಕುಮಾರ್ ಅವರಿಗೆ ಸೂಚನೆ ನೀಡಿದ್ದು, ವರದಿ ಬರುವವರೆಗೂ ಶಮಿ ಐಪಿಎಲ್ ನಲ್ಲಿ ಆಡುವ ಬಗ್ಗೆ ನಿರ್ಧಾರ ಕೈಗೊಳ್ಳುವುದಕ್ಕೆ ಸಾಧ್ಯವಿಲ್ಲ ಎಂದು ಸಿಕೆ ಖನ್ನಾ ಸ್ಪಷ್ಟಪಡಿಸಿದ್ದಾರೆ. 

ನೀರಜ್ ಕುಮಾರ್ ಶಮಿ ವಿರುದ್ಧದ ಆರೋಪಕ್ಕೆ ಸಂಬಂಧಪಟ್ಟಂತೆ ತನಿಖೆ ನಡೆಸುತ್ತಿದ್ದಾರೆ. ಶಮಿ ವಿರುದ್ಧ ಕೇಳಿಬಂದಿರುವ ಆರೋಪದ ಬಗೆ ಸಿಒಎ ಅಂತಿಮ ನಿರ್ಧಾರ ಕೈಗೊಳ್ಳಲಿದೆ ಎಂದು ಖನ್ನಾ ತಿಳಿಸಿದ್ದಾರೆ. ಐಪಿಎಲ್ ಹರಾಜಿನಲ್ಲಿ ಮೊಹಮ್ಮದ್ ಶಮಿ ಅವರನ್ನು ಡೆಲ್ಲಿ ಡೇರ್ ಡ್ವಿಲ್ಸ್ ತಂಡ 3 ಕೋಟಿ ರೂಪಾಯಿ ಗೆ ಖರೀದಿಸಿತ್ತು. 

ಪಾಕಿಸ್ತಾನ ಮಹಿಳೆಯ ಮೂಲಕ ಬ್ರಿಟನ್ ಉದ್ಯಮಿಯಿಂದ ತಮ್ಮ ಪತಿ ಹಣ ಪಡೆದಿದ್ದಾರೆ ಎಂದು ಹಸೀನಾ ಜಹಾನ್ ಆರೋಪ ಮಾಡಿದ್ದರು.