ಪಿಚ್ ಗೆ ನುಗ್ಗಿ ಕಾಲಿಗೆ ಬಿದ್ದ ಅಭಿಮಾನಿ ಧೋನಿ ಪ್ರತಿಕ್ರಿಯೆ ಹೇಗಿತ್ತು ಗೊತ್ತೇ?

ಟೀಂ ಇಂಡಿಯಾದ ಮಾಜಿ ನಾಯಕ ಎಂಎಸ್ ಧೋನಿ ಅಭಿಮಾನಿಯೊಬ್ಬ ಪಿಚ್ ಗೆ ನುಗ್ಗಿದ್ದು ಕಾಲಿಗೆ ಬಿದ್ದಿರುವ ಘಟನೆ  ನ್ಯೂಜಿಲ್ಯಾಂಡ್ ವಿರುದ್ಧದ ಮೂರನೇ ಹಾಗೂ ಕೊನೆಯ ಟಿ 20 ಪಂದ್ಯದಲ್ಲಿ ನಡೆದಿದೆ. 

ಭದ್ರತಾ ಕೋಟೆಯನ್ನು ಭೇದಿಸಿ ಮೈದಾನ ಪ್ರವೇಶಿಸಿದ ಅಭಿಮಾನಿ, ಮಹೇಂದ್ರ ಸಿಂಗ್ ಧೋನಿ ಅವರ ಕಾಲಿಗೆ ಬಿದ್ದಿದ್ದಾರೆ. ಈ ವೇಳೆ ಅಭಿಮಾನಿಯ ಕೈಲಿದ್ದ ತ್ರಿವರ್ಣ ಧ್ವಜ ಕೆಳಗುರುಳಿತ್ತು. ತಕ್ಷಣವೇ ಎಚ್ಚೆತ್ತುಕೊಂಡ ಧೋನಿ, ಅಭಿಮಾನಿಯ ಕೈಯಿಂದ ಬಾವುಟವನ್ನು ಪಡೆದು ಸುರಕ್ಷಿತವಾಗಿ ತಲುಪಿಸಿದರು, ಈ ಮೂಲಕ ಎಂಎಸ್ ಧೋನಿ ದೇಶಪ್ರೇಮವನ್ನು ಮೆರೆದಿದ್ದಾರೆ. 

ಈ ಹಿಂದೆಯೂ ಸಹ ಎಂಎಸ್ ಧೋನಿಗೆ ಇಂತಹ ಸಂದರ್ಭಗಳು ಎದುರಾಗಿದ್ದು, ಅಭಿಮಾನಿಗಳು ಧೋನಿಯನ್ನು ನೋಡಲು ಪಿಚ್ ಗೆ ನುಗ್ಗಿದ ಘಟನೆಗಳು ನಡೆದಿದೆ. ಪ್ರತಿ ಬಾರಿಯೂ ಧೋನಿ ಶಾಂತಿ ಸಂಯಮದಿಂದ ವರ್ತಿಸಿದ್ದಾರೆ.