ಬಳಿಕ ಬಂದ ಲಾಥಮ್ ರಾಸ್ ಟೇಲರ್ ಗೆ ಉತ್ತಮ ಸಾಥ್ ನೀಡಿದರು. ಶತಕದ ಜೊತೆಯಾಟವಾಡಿದ ಈ ಜೋಡಿ ತಂಡದ ಬ್ಯಾಟಿಂಗ್ ಬಲ ತುಂಬಿತು. ಆದರೆ 38ನೇ ಓವರ್ ನಲ್ಲಿ ಆಗತಾನೇ ಅರ್ಧಶತಕ ಸಿಡಿಸಿದ್ದ ಲಾಥಮ್ ಚಾಹಲ್ ಬೌಲಿಂಗ್ ನಲ್ಲಿ ಔಟ್ ಆದರು. ಲಾಥಮ್ ಔಟಾದ ಬೆನ್ನಲ್ಲೇ ಹೆನ್ರಿ ನಿಕೋಲಸ್ (6 ರನ್), ಸ್ಯಾಂಥನರ್ (3 ರನ್) ಔಟ್ ಆದರು. ಅಲ್ಲಿಯವರೆಗೂ ಏಕಾಂಗಿ ಹೋರಾಟ ನಡೆಸಿ 93 ರನ್ ಗಳಿಸಿ ಶತಕದ ಹೊಸ್ತಿಲಲ್ಲಿದ್ದ ರಾಸ್ ಟೇಲರ್ ತಾಳ್ಮೆ ಕಳೆದುಕೊಂಡ ಪರಿಣಾಮ ಶಮಿ ಬೌಲಿಂಗ್ ನಲ್ಲಿ ಔಟ್ ಆದರು.